ADEBAYOR AUPONDA UWANJA AFRIKA KUSINI, ASEMA PITCH MBOVU KAMA WA BUSH

Togo striker Emmanuel Adebayor has fiercely criticized the sandy field that will host a semi-final at the Africa Cup of Nations, calling it 'a disgrace' and embarrassing for the continent. 

The Tottenham forward said the sandy and bumpy pitch at Mbombela Stadium in Nelspruit badly undermined African football and will lead people in Europe to think the teams are playing 'in the bush.' 

Togo held Tunisia to 1-1 at Mbombela on Wednesday to reach the quarter-finals for the first time, after which Adebayor said 'it's a disgrace for our continent to be playing on this pitch when it's on the TV around the world.'

Disgrace: Emmanuel Adebayor is unhappy with the sandy nature of the Nelspruit pitch

He added: 'Once again we are in Africa, the Africa Cup of Nations is a big tournament for Africa - the whole world is watching this,' he said. 'You can't play on a pitch like this. Those people that watch the game in Europe, they will be sending SMS to me ... asking me, "Are you playing in the bush or what?" It's a disgrace to our continent, we can do better.'

Adebayor's criticism came as tournament organizer the Confederation of African Football was to hold its mid-tournament review on Friday. While South Africa was expected to be praised for better attendances at this cup, the poor Mbombela field has undoubtedly been an eyesore and had already been criticized by the Zambia and Nigeria teams. 

Television audiences will have seen sand constantly kicked up by players and the ball often bouncing unevenly at Mbombela for the group games there. The field will also host Togo's quarter-final against Burkina Faso on Sunday and one of the semi-finals. 

Beach: Television audiences will have seen alarming amounts of sand constantly flicked up

'CAF have to sort things out to solve the problem,' Adebayor said. 'At the end of the day we are all African and we have to be honest with ourselves. It's a beautiful stadium but the pitch is not happening.'

The problems with the Mbombela field reportedly arose after days of heavy rain in the northern city of Nelspruit just before the tournament, leading officials to lay sand on the surface to prevent it becoming waterlogged. 

Zambia coach Herve Renard said the poor surface was a major reason why his defending champion sdie was eliminated in the group stage, having struggled to play on it. 

Zebra: Mbombela Stadium hosted World Cup matches in 2010 and will host an Africa Cup of Nations semi-final

The cup has generally been well organized, with only the Mbombela field, a few instances of poor refereeing and the misbehavior of Ethiopian fans in their team's opening game against Zambia the standout problems. 

CAF was expected to provide an update of ticket sales on Friday, with the tournament already expected to be a vast improvement on the last one in 2012.

ASKARI ARUSHA WAPEWA PIKIPIKI KUIMARISHA ULINZI

Katika hali ya kuhakikisha ulinzi na usalama wa wananchi na mali zao unaimarika mkoani Arusha, jeshi la polisi mkoani hapa limegawa pikipiki 12 kwa wakuu wa vituo vya polisi katika kila wilaya.

Katika ugawaji huo akimkaribisha mkuu wa ulinzi na usalama wa mkoa, kamanda wa polisi mkoa wa Arusha Liberatus Sabas alisema kuwa wameamua kugawa pikipiki hizo kwa kila wilaya ili kurahisisha ufikaji mapema wa eneo la tukio linalohisiwa kuwa na uhalifu kabla haujatokea au kuleta madhara.

kamanda Sabas akifungua mktano

 

Sabas alisema kuwa kazi ya ulinzi na usalama wa wananchi na mali zao na nchi kwa ujumla ni ngumu sana bila vifaa ikiwemo usafiri hivyo jeshi la polisi kwa kulitambua hilo wameamua kununua pikipiki hizo 12 na kugawa katika kila wilaya ambapo amewataka askari hao kutumia pikipiki hizo kwa ustaarabu ili kuweza kutimiza malengo yaliyokusudiwa ikiwa ni kuwahi eneo la tukio haraka mara tu wahisipo uhalifu au kupata taarifa ya uhalifu.

Akigawa pikipiki hizo mkuu wa usalama wa mkoa ambaye pia ni mkuu wa mkoa wa Arusha, Magessa Mulongo aliwataka askari hao kutumia usafiri huo katika shughuli mbali mbali za kiusalama ambapo amewaahidi atakayefanya vizuri kazi yake kwa umakini, usahihi na uadilifu atampa zawadi ya shilingi milioni 1.

Pia amewataka watendaji wa kila wilaya kuhakikisha wanawapa askari wa jeshi la polisi ushirikiano wa kutokomeza uhalifu kwani serikali haifurahii mrundikano wa mahabusu katika magereza hivyo wawafichue waadhibiwe utokomee ambapo amewataka watendaji hao kuepuka kuwa sehemu ya wahalifu au kuwaficha au hata kuendekeza uhalifu bali wautokomeze.

Pia amewataka askari hao kutambua kuwa pindi wawapo kazini katika kutokomeza uhalifu wasiangalie cheo cha mtu kwani sheria haina cheo, umri wala jinsia kwani kwenye sheria kila mtu ni sawa hivyo kuwataka sheria hiyo isiwaonee wananchi wa hali ya chini tu bali hata viongozi wanaoshiriki uhalifu nao waadhbiwe kulingana na sheria za jamhuri ya muungano wa Tanzania.

baadhi ya askri walioshuhudia ugawaji pikipiki

Aidha pikipiki hizo 12 zilizotolewa na jeshi la polisi ziligawiwa kwa kila wilaya huku zikiwakilishwa na wakuu wa vituo  wa wilaya husika(ma O.C.D) ambapo wilaya zilizopokea pikipiki hizo ni pamoja na wilaya ya Ngorongoro, Karatu, Monduli, Arusha mjini, Longido Arumeru.

Sanjari na hilo zoezi la ugawaji pikipiki hizo zinaenda sambamba na utambulisho wa siku ya uzinduzi wa usafi wa jiji la Arusha, ambapo mkuu huyo alisema kuwa siku ya usafi jijini utakuwa unafanyika kila ijumaa jioni ambapo amewataka wafanyabiashara wenye maduka mijini au masokoni na wanajamii kwa ujumla kujitokeza kufanya usafi katika maeneo yao kuanzia saa 12 jioni.

MIGONGANO YA KISIASA KUKWAMISHA ELIMU DONGOBESH

NA MOHAMEDI ISIMBULA -DONGOBESHI

Imeelezwa kuwa kukwama kwa wanafunzi wa kidato cha kwanza kuanza masomo yao katika shule ya sekondari ya Alexander Saulo iliyoko Dongobeshi wilayani mbulu kunachangiwa na siasa chafu zinazofanywa na wanasiasa katika kata hiyo

Akitoa taarifa hiyo kwa mkuu wa wilaya hiyo Anatori Choyo aliyetembelea shule hiyo na kufanya kikao na kamati ya maendeleo ya kata hiyo mwenykiti wa bodi ya shule hiyo Yoramu Gefi alimweleza mkuu huyo kuwa wanasiasa ndiyo chanzo kikubwa cha ujenzi wa vyumba hivyo kukwama

Aidha alisema katika hali hiyo isiyokuwa ya kawaida baadhi ya wanasiasa kupitia vyama viwili ambavyo vinaonekana kuwa na nguvu katika kata hiyo ni Chadema na CCM ambapo viongozi wake wamekuwa wakiwashawishi wanananchi kutoshiriki katika kazi ya ujenzi wa vyumba hivyo vya shule hiyo ili kuwawezesha wanafunzi hao kuanza masomo yao mapema

Katika taarifa yake hiyo alisema jumla ya vyumba vya madarasa vitano vinahitajika katika shule hiyo hali ambayo bado ni tete kutokana gubiko hilo la kisiasa kuendelea kuikumba kata hiyo na kusababisha wananchi wake kusahau wajibu wao katika maendeleo yao

Naye mkuu wa wilaya hiyo mara baada ya kupokea taarifa hiyo aliwataka viongozi wa vyama hivyo kuacha siasa hizo na badala yake wawahamasishe wananchi kushiriki katika kazi za ujenzi wa shule hiyo ili watoto wao waweze kuanza masomo yao mapema

Mkuu huyo pia alisema siyo vyema wanafunzi hao wakaendelea kuteseka kwa masuala kisiasa na hasa ukizingatia kuwa muda wa malumbano ya kisiasa bado haujafika

,,ndugu zanguni nawaombeni kama mna mambo yenu ya kisiasa yacheni kwanza tuangalie watoto wetu tuliwasomesha sisi wenyewe katika shule za misingi  halafu leo tunawasusia kuwajengea shule za sekondari hivi jamii itatueleweje alihoji mkuu huyo

Pia alisema kutokana na kikao hicho ambacho kimekaa na kuona tatizo hilo yeye kama mkuu wa wilaya hiyo kwa kushirikana na idara ya elimu sekondari mbulu atendesha zoezi hilo la ujenzi wa vyumba hivyo  na kuhakikisha wanafunzi hao wanaanza masomo yao

“siwezi kukubali fedheha hii ya wanafunzi waliyofaulu vizuuri wakae nyumbani eti kosa hakuna vyumba vya madarasa hilo halitawezekana  hata kwa kukamatana nitahakikisha wanafunzi hao wote wanakwenda shule na si vinginevyo” alisema choya

Charles Sulle ni mkuu wa shule naye alimweleza mkuu huyo kuwa hana chumba hata kimoja cha kuwaweka wanafunzi hao jambo linalomfanya ashindwa kutoa elimu kwa wanafunzi hao wanadaiwa kuchelewa zaidi ya mwezi baada ya shule kufunguliwa.

MAFANIKIO YA CHAMA CHA CCM KWA MIAKA 7 ILIYOPITA

mkuu wa wilaya ya Arusha, John Mongela alipokuwa akiongea na waandishiwa habari juu ya mafanikio ya chama cha mapinduzi (CCM) kwa miaka 7 (kuanzia mwaka 2005 hadi desemba 2012)

 Imeelezwa kuwa ilani ya ccm kwa miaka saba katika wilaya ya arusha imefanikiwa kwa kiasi kikubwa katika njanja zote zikiwemo sector ya elimu ,afya,mazingira,na miundombinu ikiwemo mji wa Arusha kutoka manispaa hadi kuwa jiji rasmi.

Hayo yameelezwa na mkuu wa wilaya ya arusha john Mogella mbele ya waandishi wa habari wakati akitoa taarifa hiyo ambapo amesema kuwa sector zote zimefanikiwa kwa kiasi kikubwa kwani toka mwaka 2005 hadi mwaka desemba 2012 karibu ahadi zote za ilani ya chama cha mapinduzi zimetekelezwa.

Bw Mogella amesema katika sector ya elimu wamejenga madarasa 172na matundu ya vyoo 225,ambapo shule za msingi zimeongezeka 70 ambapo kwa shule za sekondari zimeongezeka 23 huku awali zilikuwa saba ,pia walimu na vifaa vya usimamizi wameongezeka ikiwemo walim kuajiriwa 534 kwa miaka hiyo saba pamoja na idadi ya vyuo vya shahada ya juu vilivyopandishwa hadhi  na kuwa vtuo vikuu kufikia 8 .

Kwa upande wa afya mongela amesema kuwa wameweza kuboresha huduma ya mama na mtoto ambapo vituo 5 na zahanati 68 zimeboreshwa kwa uhakika wa upatikanaji wa dawa na huduma bora, huku akifafanua kuwa wameipandisha hadhi kituo cha afya cha kanisa la st.elizabert na kuwa hospitali ya wilaya huku akisema kuwa katika hospitali hiyo kuna kituo kikuu kitakachotoa huduma kwa watu wanaoishi na virusi vya ukimwi ambapo wahusika watahudumiwa bure.

Kwa upande wa miundo mbinu amesema kuwa barabara nyingi zimejengwa kwa kiwango cha lami hasa za katikati ya mji ambapo hadi sasa barabara 23 zenye urefu wa km 8 zimekamilika ambapo mradi huu unaofadhiliwa na benki ya dunia kwa kiasi cha dola million 7 za kimarekani,ikiwa ni kwa awamu ya kwanza na awamu ya pili itajenga barabara ya njiro,kanali ndomba,pamoja na kujenga dampo la kisasa ,sambamba na ujenzi wa madaraja 9 katika wilaya ya arusha.

Akiongelea upande wa mazingira hasa katika  maji safi na taka amesema asilimia 83 ya wakazi wanaoishi katika jiji la arusha wanapata maji safi na salama tofauti na awali ilikuwa ni asilimia 42 tu ya wakazi ndio waliokuwa wanapata huduma hiyo ya maji salama ,ambapo amesema kuwa wanamkakati wa kuboresha miundo mbinu ya maji safi na taka utakao gharimu takribani  shilingi million moja.

Katika swala la mazingira amesema wamepiga hatua kwani wameweza kulinda vyanzo vya maji kwa kushirikiana na AUWSA ikiwemo misitu,kuzuia uoshaji wa magari pembezoni mwa vyanzo vya maji na mito pia kuzuia ukataji wa miti katika misitu na kujenga kwenye vyanzo iliyopo ndani ya jiji na sasa nguvu kubwa wanaboresha usafi ndani ya jiji letu.

Aidha alisema pamoja na mafanikio hayo pia kuna changamoto zinzoikabili jiji hili ikiwemo ya kusafisha hati chafu ya jiji hili ,ambapo baadhi ya viongozi wabadhirifu wa raslimali wamewajibishwa kutokana na makosa yao ikiwemo kufikishwa mahakamani paoja na kufukuzwa kazi.

Pia aliongezea kuwa changamoto nyingine ni demokrasia ambapo wilaya yetu ina viongozi wa vyama  vya siasa tofauti tofauti ambapo alitolea mfano mbunge wa chadema katika jimbo la mjini arusha kutofautiana katika utekelezaji na uwajibikaji katika kuwatumikia wananchi wa wilaya hii .

Mwisho mkuu wa wilaya ya arusha Mogella alitoa wito kwa wakazi wa jiji la arusha kuendelea kushirikiana na viongozi katika kuhakikisha hali ya jiji inakuwa tulivu ambapo kwa kiasi kikubwa katika swala la ulinzi na usalama ikiwemo dhana ya ulinzi shirikishi na tii sheria bila shuruti imefanikiwa kwa kiasi kikubwa.

baadhi ya waandishi wa habri wakisikiliza kwa makini mkuu wa wilaya

TUKO KAZINI, WEKA MCHANGO WAKO HAPA

Mwanamama omba omba akiwa amelaa pembezoni mwa barabara na mtoto ambaye hakuweza kufahamika kwa haraka wakiwa na chombo chao, wakitafuta riziki yao ya kila siku, kama walivyokumbwa na kamera yetu

AZAM YAIPUMULIA YANGA

Azam FC jioni hii imeibuka na ushindi wa mabao 3-1 dhidi ya Toto Africans ya Mwanza katika mchezo wa Ligi Kuu ya Vodadom Tanzania Bara uliofanyika kwenye Uwanja wa Azam Complex, Chamazi, Dar es Salaam.

Mabao ya Azam katika mchezo huo yametiwa kimiani na Kipre Michael Balou wa Ivory Coast, dakika ya tisa, Mganda, Brian Umony dakika ya 20 na Mkenya Humphrey Mieno dakika ya 46, wakati bao l kufutia machozi la Toto lilifungwa na Selemani Kibuta dakika ya 77.

Ushindi huo, unaifanya Azam ifikishe pointi 30, baada ya kucheza mechi 15, ikizidiwa mbili na Yanga inayoongoza kwa pointi zake 32, ingawa imecheza mechi 14.

UROHO WA MALI NA NGOMBE NDIO CHANZO CHA KUNYANYASWA KWA MTOTO WA KIKE KULAZIMISHWA KUOLEWA KATIKA UMRI MDOGO

Imebainika kuwa uroho wa mali na ngombe kwa baadhi ya wanajamii ya wamasai imekuwa chanzo cha uonevu na unyanyasaji wa watoto wa wa kike huku mfumo dume ukishika kasi kwa jamii hizo na mwanamke kuonekana na kama chanzo cha mali hizo.

Hayo yamebeinika na mwandishi wa habari hizi alipotembelea katika kata ya Mateves iliyoko wilayani Arumeru Mkoani Arusha na kukutana na binti wa jamii ya kimasai anayeiomba serikali kuwasaidia watoto wa kike hasa wa jamii ya hiyo kwani wamekuwa wakinyanyaswa na baba na kaka zao kuwa mtoto wa kike hana haki ya kusoma bali kuolewa na kuongeza mali nyumbani ambayo ni mifugo ikiwemo ngombe

Akiongea na kipindi hiki huku akitokwa na mchozi msichana Namnyaki Loishiye (17) mkazi wa kata ya mateves amefikia hatua ya kuiomba serikali kuwasaidia haki ya kupata elimu watoto wa kike kwani wamekuwa wakinyanyaswa sana ambapo yeye alilazimishwa kuolewa na baba yake aliyejulikana kama Loishiye Lesengere akiwa darasa la 6 na umri wa miaka 14 na kupokea mahari kutoka kwa Loihorwa Sindiyo.

Aidha amesema kuwa baada ya kukataa na kupigwa sana aliwaomba wazazi wake wamunvumilie amalize darasa la saba ambapo alipomaliza mwaka jana baba yake alifariki lakini alikuja kuibwa asubuhi ya pili yake na m,wanaume aliyelipa mahari na kwenda kuolewa lakini baada ya kukaa wiki tatu mama yake alikwenda kushitaki polisi na kurudishwa nyumbani lakini bado uwezo wa kuhudumiwa mahitaji shule ni ngumu hivyo kuiomba serikali ya wilaya mkoa kwa ujumla kumsaidia ili aweze kutimiza ndoto zake za kuwa mwalim.

Msichana Namnyaki alikuwa anasoma katika shule ya msingi Lenjoro iliyoko wilayani Arumeru katika kata ya Mateves Na kumaliza elimu yake ya msingi mwaka jana 212 na kufanikiwa kufaulu kwenda katika shule ya sekondari Oljoro ambapo alitoroshwa na kwenda kuolewa lakini sasa amerudi ila pamoja na kurudi nyumbani bado matumaini ya kusoma na kutimiza ndoto zake za kuwa mwalim ni hadithi hivyo serikali na jamii nzima kilio hiki kinawaangukia kujitokeza kuweza kumsaidia

BLUESTAR AACHIA SINGO MPYA SOOOOOOON,

 

 

 

Na Magesa Magesa,Arusha

MSANII wa mjini Arusha anayekuja kwa kasi katika mziki wa kizazi kipya
hapa nchini Hamisi Omari(20)maarufu kama Bluestar anatarajia kuachia
singo yake ya tatu inayokwenda kwa jina la Tunachafua.

Akizungumza na gazeti hili amesema kuwa singo hiyo ambaye
amemshirikisha Mr Blue na Swaga Boy na kurekodiwa katika studio ya
Danlumark kwa Macko P ya jijini Dar es Salaam itaanza kusikika rasmi
wiki hii katika vituo mbalimbali vya redio na kutazamwa katika
luninga.

“Nawataka wapenzi wa muziki wa kizazi kipya na mashabiki wangu kwa
ujumla wakae mkao wa kula kupokea wimbo huo kwani ni moto wa kuotea
mbali”alisema Bluestar.

Amezitaja nyimbo zake mbali ambazo tayari aliishazitoa mwaka jana kuwa
ni Digidagi aliyemshirikisha Chris G ambayo ameirekodia katika studio
ya Fnock kwa Sumtimber na Njoo aliyeirekodia katika studio ya
Dunlumark.

Msaanii huyo ambaye alianza muziki mwaka jana amesema kuwa matarajio
yake ni kuja kuwa mwanamuziki maarufu sana ndani na nje ya nchi na
kwamba katikati ya mwaka huu atatoa albamu yake ya kwanza na kutoa
wito kwa mashabiki kumuunga mkono.
Mwisho……………………….

AZAM FC YAIFUKUZIA YANGA VPL

Michuano ya Ligi Kuu ya Vodacom inaingia raundi ya 15 kesho (Januari 30 mwaka huu) kwa mechi mbili ambapo Azam iliyo katika nafasi ya pili nyuma ya Yanga itakuwa mwenyeji wa Toto Africans ya Mwanza.

Mechi hiyo itachezwa Uwanja wa Chamazi, Dar es Salaam huku Azam ikisaka ushindi ili kuikaribia Yanga inayoongoza wakati Toto Africans inayonolewa na John Tegete ikitaka kurekebisha makosa ya kupoteza mechi yake iliyopita dhidi ya Oljoro JKT.

Uwanja wa Sheikh Kaluta Amri Abeid jijini Arusha utakuwa mwenyeji wa mechi kati ya Oljoro JKT dhidi ya wageni Kagera Sugar kutoka Bukoba mkoani Kagera itakayochezeshwa na mwamuzi Jacob Adongo wa Musoma.

Ushindi kwa Oljoro JKT yenye pointi 17 utaihakikishia kubaki katika nafasi yake ya nane wakati Kagera Sugar inayofundishwa na kocha mkongwe Abdallah Kibaden utaifanya ipige hatua moja mbele katika msimamo wa ligi.

Ligi itaendelea tena Jumamosi (Februari 2 mwaka huu) kwa mechi tatu ambapo vinara Yanga wataumana na Mtibwa Sugar kwenye Uwanja wa Taifa, Dar es Salaam wakati Polisi Morogoro ikiikaribisha African Lyon mjini Morogoro.

Nazo Mgambo Shooting ya Tanga na Ruvu Shooting ya Mlandizi mkoani Pwani zitaoneshana kazi kwenye Uwanja wa Mkwakwani jijini Tanga.

Waziri Mkuu Mizengo Pinda Akiwa na Viongozi wa Madhehebu ya Kikristo Pamoja na Wafanyabiashara Wa Mtwara Kuhusu Mgogoro wa Gesi Mtwara

 Mwenyekiti wa Umoja wa Makanisa ya Kipentekoste Mkoani Mtwara, Askofu, Chilumba akiomba  kabla ya kuanza kwa kikao kati ya Waziri Mkuu Mizengo Pinda na viongozi wa madhehebu ya dini  ya Kikristo mkoani Mtwara kuhusu mgogoro wa gesi kwenye ukmbi wa VETA mjini Mtwara Januari 18, 2013. Jana Mheshimiwa Pinda alikutana na Viongozi wa dini ya Kiislam mkoani humo.

 Waziri Mkuu, Mizengo Pinda akizungumza na Wafanyabiashara wa Mtwara kuhusu mgogoro wa gesi kwenye ukumbi wa VETA mjini Mtwara, Januari 28, 2013. Kulia kwake ni Mkuu wa Mkoa wa Mtwara, Joseph Simbakalia.

 Waziri Mkuu, Mizengo Pinda akizungumza na  viongozi wa madhehebu  ya Kikristo kuhusu mgogoro wa gesi kwenye ukumbi wa VETA  mjini Mtwara, Januari 28, 2012.Jana Mheshimiwa Pinda  alikutana viongozi wa dini ya Kiislam. (Picha na Ofisi ya Waziri Mkuu).

 Mfanyabiashara wa Mtwara, Fatuma Embe akichangia katika mkutano kati ya Waziri Mkuu, Mizengo Pinda na wafanyabiashara wa Mtwara kuhusu gesi kwenye ukubi wa VETA mjini Mtwara.

 Baadhi ya Wafanyabiashara wa Mtwara wakinyosha mikono kuomba nafasi ya kuchangia katika mazungumzo kati yao na Waziri Mkuu, Mizengo Pinda kuhusu mgogoro wa gesi kwenye ukumbi wa VETA mjini Mtwara.

Baadhi ya viongozi wa madhehebu ya  dini ya Kikristo Mkoani Mtwara wakimsikiliza Waziri Mkuu, Mizengo Pinda wakati alipozungumza nao kuhusu mgogoro gesi kwenye ukumbi wa VETA Mjini Mtwara, Januari  28, 2013. Jana Mheshimiwa Pinda alikutana na Viongozi wa dini ya Kiislam.Picha na Ofisi ya Waziri Mkuu

--- 

*Chini ni Sehemu ya Dondoo Yaliyojiri kwenye Vikao Hivyo

Asubuhi ya jana katika kupitia kipindi kituo cha redio cha PRIDE FM, Andrew Mturi na Sospeter Magumba wamezungumza na wadau mbalimbali waliohudhuria kikao cha jana baina ya Waziri Mkuu, Mizengo Pinda na viongozi wa kijamii wa Wananchi.

Kilichosikika redioni (audio itawekwa hapa baadaye jioni.)

1·         Mkuu wa Wilaya ya Mtwara Mjini ndugu Wilman Kapenjama Ndile alitamka kuwa Waziri Mkuu, Mizengo Pinda aliwatumia ujumbe Mawaziri wapatao 6 kuwaita ili kuungana na Waziri wa Mambo ya Ndani ya nchi, Emanuel Nchimbi hapo saa 3 asubuhi, ili kufanya kikao cha majumuisho ya “Yatokanayo” na mikutano ya wadau mbalimbali.

Mawaziri hao ni pamoja na Waziri wa Ujenzi (Dkt. John P. Magufuli), Waziri wa Uchukuzi (Dkt. Harrison Mwakyembe), Waziri wa Viwanda na Biashara (Abdallah Kigoda), Waziri wa Nchi, Ofisi ya Waziri Mkuu, Uwezeshaji na Uwekezaji, - (Dkt. Mary Nagu) na Waziri wa Elimu (Dkt. Shukuru Kawambwa).

2·         Mkuu wa Wilaya ya Mtwara Mjini ndugu Wilman Kapenjama Ndile alitamka kuwa Waandishi wa habari wamealikwa kwa ajili ya kikao cha muhstasari (briefing) wa “Yatokanayo”.

3·         Katibu Mkuu wa Shura ya Maimamu kwa Mkoa wa Mtwara, Sheikh Idrissa Lingondo amesema kilichosabababisha vurugu na yote ya uharibifu yaliyotokea katika kipindi hiki, ni kauli mbovu za kuudhi na kuvunja moyo kama vile kukataa kupokea maandamano ya watu na kuwaita wahaini na/au wapuuzi. Majibu kama hayo ndiyo yaliyoamsha hasira.

Akashauri kuwa watu wote (viongozi kwa wananchi) watumie diplomasia. Akatoa wito kwa Wananchi kuwa wasikivu na watulivu katika kipindi hiki ambacho mazungumzo na Viongozi wa juu wa Serikali yanaendelea.

4·         Askofu George Mussa wa Kanisa la TAG (Tanzania Assemblies of God), alisema ukimya wa viongozi na kutokukubali kuzungumz ana wananchi na kuwajibu maswali yao, ndiyo uliochochea wananchi kushikwa na hasira iliyosababisha hasara. Akahoji ni kwa nini viongozi wanakuwa kimya kusubiri mpaka maafa yanapotokea ndipo wanajongea kuzungumz a na Wananchi?

Akasisitiza kuwa siyo kwa Mtwara tu, bali nchi nzima, kwamba wananchi wamekuwa wanapuuzwa na hawasikilizwi hoja zao hasa pale wanapotaka kuwasilisha masuala yanayowazunguka. Akaonya kuwa maandiko ya Biblia yanasema Waisraeli waliopacha kusikiliza kilio cha watu wao, Mungu aliruhusu uasi utendeke, ndipo Watawala walipoamka na kuwasikiliza.

Askofu Mussa akasema kuwa mtu yeyote ana haki, hata kama hajaenda shule, kwani hilo halimaanishi kuwa hajui kuhusu yanayomzunguka. Akasema iachwe dharau ya kudhani kuwa Watu wa Kusini hawajasoma au/wala kuelimika. 

Amehoji, ikiwa ahadi walizopewa wananchi –kujenga mitambo ya miradi, kutoa ajira n.k.– haijawekwa wazi, Je, Wananchi wataijuaje? Ni wazi kuwa watahoji.

Alipotakiwa kutoa maoni yake kwa ujumla, alionya dhidi ya matumizi ya nguvu kwa kusema kuwa mara nyingi nguvu za Watawala huzaa uasi wa Wananchi ili kukabiliana na nguvu hizo, akasema ndiyo mifano iliyotokea kwenye nchi ambazo zimejitahidi kutumia mabavu kuongoza wananchi.

Kuhusu nafasi yao kama viongozi kushirikishwa katika masuala ya kijamii, ameuliza, vioangozi wanasubiri mpaka machafuko yatokee ndipo maombe viongozi wa dini wawatulize wananchi?

Mwishowe akaomba na kuwasisitiza Wananchi wawe watulivu, wasikivu, Waitii mamlaka –kama agizo la Mungu katika Biblia linavyosema– na kutokuasi kwani ni laana kwa Taifa.

WATALII ZAIDI YA 100 KUTOKA NCHI 25 ULIMWENGUNI WAPANDA MLIMA KILIMANJARO KUCHANGISHA BIL.1.5 KUSAIDIA WANANCHI

WATALII zaidi ya 100 kutoka nchi 25 ulimwenguni jana walianza safari yao ya kupanda Mlima Kilimanjaro kwa lengo la kuchangisha dola za Marekani zaidi ya milioni 1 sawa na zaidi ya sh bilioni 1.5 za Tanzania ambazo zitatumika kusaidia miradi ya wananchi wanaoishi kuzunguka hifadhi mbalimbali za taifa hapa nchini.

Safari hiyo imeandaliwa na Shirika la Hifadhi za Taifa Nchini (Tanapa) kwa kushirikiana na kampuni ya Wings of Kilimanjaro ya nchini Australia ambapo watashuka toka kwenye kilele cha mlima huo mrefu kuliko yote barani Afrika kwa kuruka kwa kutumia miamvuli maalumu, tukio ambalo litakuwa ni la kwanza tangu kugunduliwa kwa mlima huo.

Wakizungumza na waandishi wa habari jana jijini hapa, meneja uhusiano wa Tanapa, Pascal Shelutete, na meneja mradi wa kampuni hiyo, Adrian Mgrae, walisema kuwa fedha hizo zitaelekezwa kwenye miradi mbalimbali ya kukabiliana na umaskini vijijini, uharibifu wa mazingira na misaada ya kibinadamu.

Walisema kuwa misaada hiyo inajumuisha uchimbaji wa visima vya maji safi ya kunywa, kuboresha miundo mbinu ya elimu na kusaidia waathirika wa virusi vinavyosababisha ukimwi inayosimamiwa na mashirika yasiyo ya kiserikali ya One Foundation, Plant with Purpose na Worldsave International.

Walisema kuwa watalii hao wanaotarajiwa kupanda mlima huo kupitia njia ya Machame mwishoni mwa Januari, mwaka huu, wanatarajiwa kushuka kwa kuruka na miamvuli hiyo maalumu kati ya Februari 5 na 6 kulingana na hali ya hewa itakavyokuwa kwenye kilele cha Kibo.

Shelutete alisema kuwa watalii hao wanaotazamiwa kupanda mlima huo kwa muda wa siku saba wanatazamiwa kutua kwa miavuli hiyo kwenye viwanja vya Shule ya Sekondari Umbwe na Chuo cha Ufundi Stadi cha Kibosho, wilayani Moshi, hivyo aliwahimiza wananchi kujitokeza kujionea tukio hilo la kihistoria.

Meneja uhusiano huyo wa Tanapa alisema kuwa tukio hilo pia linatazamiwa kutoa ajira kwa Watanzania zaidi ya 600 ambao watawahudumia watalii hao kwa safari ya kupanda milima huo ikijumuisha wabeba mizigo, wapishi na waongoza watalii.

Kwa upande wake mkurugenzi wa kampuni ya uwakala wa Utalii ya Top of Africa ya mjini Moshi, Silvanus Mvungi, ambaye ndiye aliyeandaa safari ya watalii hao alisema kuwa katika kuhakikisha usalama wa wageni hao kutakuwa na helikopta maalumu kwa ajili ya uokoaji ambayo itakuwa tayari muda wote mpaka kukamilika kwa shughuli hiyo.

SERIKALI IFAFANUE KUHUSU GAZETI LA MWANAHALISI

MTANDAO wa Watetezi wa Haki za Binadamu Tanzania (THRD), umedai kupokea kwa mshangao taarifa zilizoandikwa na gazeti la serikali zikisema kuwa Rais Jakaya Kikwete amelizika rasmi gazeti la MwanaHalisi kwa uchochezi.

Kwamba habari hiyo imeupotosha umma kwa kiwango kikubwa, na hivyo wanaitaka Kurugenzi ya Mawasiliano ya Rais Ikulu kutoa ufafanuzi, kutokana na kupotoshwa kwa kosa lililosababisha gazeti hilo kufungiwa.

Mtandao huo ambao ni mkusanyiko wa mashirika zaidi ya 60 ya watetezi wa haki za binadamu wakiwamo wanasheria, waandishi na watetezi wengine, ulisema kuwa habari hizo ni za upotoshaji kwa sababu zinamkariri Rais Kikwete akiwa mjini Addis Ababa nchini Ethiopia.

Kwamba habari iliyochapishwa na gazeti hilo la HabariLeo ilidai kuwa MwanaHalisi lilifungiwa kwa sababu liliandika habari ya uchochezi ikiwataka askari kuasi na kutotii amri.

Katika taarifa yake kwa vyombo vya habari, Mratibu wa Mtandao huo, Onesmo Olengurumwa alisema kuwa habari hiyo haikuandikwa na gazeti la MwanaHalisi bali gazeti jingine ambapo tayari watuhumiwa wamefikishwa mahakamani.

“Tunaamini kilichoandikwa na mwandishi wa gazeti hilo ndiyo kauli iliyotolewa na Rais Kikwete kwa sababu habari hiyo imeletwa na mhariri mzoefu na makini, na tunaamini hivyo kwa sababu rais ameitoa kauli hiyo mahali pake, wakati akiwasilisha ripoti ya Tathmini ya Utawala Bora (APRM),” alisema.

Aliongeza kuwa, wanashawishika kuamini kwamba iwapo siku zote Rais Kikwete alikuwa akiamini kuwa MwanaHalisi ndiyo waliochapisha habari inayohusu askari kugoma, basi alipotoshwa tangu mwanzo na hivyo anahitaji kuelimishwa vizuri juu ya suala hilo.

Alisisitiza kuwa, wanaendelea kuamini kuwa MwanaHalisi lilionewa kama sababu zilizosababishwa kufungiwa ni pamoja na zile ambazo gazeti hilo lilimnukuu Rais Kikwete huko Ethiopia.

Katika habari hiyo, Rais Kikwete alikaririwa akisema “...Ndio kuna gazeti moja tumelifungia na kuna watu wanaosema tuliondolee adhabu…tumesema hapana…kutaka Jeshi liasi huu sio uandishi wa habari.”

MwanaHalisi lilifungiwa na serikali Julai 30 mwaka jana, kutokana na habari yake iliyomhusisha ofisa wa Ikulu katika sakata la kutekwa na kuteswa kwa Mwenyekiti wa Jumuiya ya Madaktari, Dk. Steven Ulimboka, kudaiwa kuwa ni ya uchochezi.

Mkurugenzi Mtendaji wa Kampuni ya Hali Halisi Publishers (HHPL) inayochapisha MwanaHalisi, Saed Kubenea, alipoulizwa juu ya kauli ya rais, alisema ameipokea kwa faraja.

“Tuna taarifa za serikali kukamata na kushitaki mwandishi aliyeandika habari ambazo serikali ilisema zinachochea uasi katika majeshi; mhariri wa gazeti lililozichapisha na mwenye mtambo uliochapa gazeti. Lakini hayo yote hayahusu MwanaHalisi,” alisema.

Alisema kuwa kwake si gazeti wala waandishi wa habari wanaotuhumiwa uchochezi wa jeshi. Lakini kama walifungiwa kwa madai hayo, basi sasa rais ameibuka na ukweli ambao utawaweka huru.

chanzo:Tanzania Daima

Lulu arejea uraiani

Msanii wa filamu nchini, Elizabeth Michael ‘Lulu’ (kulia) akiwa na mama yake, Luklesia Kalugila nje ya Mahakama Kuu Kanda ya Dar es Salaam baada ya kuachiwa huru kwa dhamana jana. Picha na Venance Nestory  

HATIMAYE msanii wa filamu, Elizabeth Michael ‘Lulu’ anayekabiliwa na kesi ya kuua bila kukusudia amerejea uraiani jana baada ya kuachiwa kwa dhamana na Mahakama Kuu Kanda ya Dar es Salaam.

Lulu anakabiliwa na shtaka la kumuua bila kukusudia msanii mwenzake, Steven Kanumba kinyume cha Kifungu cha 195 cha Kanuni za Adhabu. Aliachiwa kwa dhamana jana saa 9:56 alasiri, baada ya Mahakama kujiridhisha kuwa ametimiza masharti.

Hadi anaachiwa kwa dhamana jana saa 9:55 alasiri, msanii huyo alikuwa ameshakaa mahabusu kwa miezi tisa, tangu alipokamatwa kwa tuhuma hizo, Aprili 7, 2012.

Aliachiwa baada ya Naibu Msajili wa Mahakama hiyo, Francis Kabwe kukagua na kuridhishwa na nyaraka muhimu zilizohitajika kama sehemu ya masharti ya dhamana na kutoa amri kwa msanii huyo kuachiwa huru kwa dhamana.

Dhamana hiyo ilitolewa juzi lakini msanii huyo hakuweza kutoka gerezani kutokana na Msajili wa Mahakama aliyepaswa kuthibitisha vielelezo vya dhamana hiyo kutokuwepo mahakamani.

Akizungumza huku akitokwa machozi muda mfupi baada ya kuachiwa, Lulu alimshukuru Mungu, mawakili wake na watu wote waliokuwa wakimwombea katika mapito yake hayo.

“Nawashukuru watu wote. Watu waendelee kuniombea, hii ni dhamana tu lakini kesi bado ni safari ndefu. Nawashukuru watu wote waliokuwa pamoja nami, namshukuru Mungu kwani yeye ndiye kila kitu,” alisema Lulu.

Mmoja wa mawakili wake, Peter Kibatala aliishukuru Mahakama kwa ushirikiano katika kufanikisha dhamana hiyo... “Sisi mawakili pamoja na Lulu mwenyewe tunaishukuru sana Mahakama kwa kufanikisha haki hii ya msingi. Msajili ametusubiri hadi sasa na hatimaye mchakato huu umetimia.”

Hali ilivyokuwa mahakamani
Lulu aliwasili mahakamani hapo saa 7:58 mchana akiwa kwenye gari la Jeshi la Magereza aina ya Landrover chini ya ulinzi.

Alipofikishwa, alipelekwa katika mahabusu na baada ya takriban saa moja, aliingizwa katika Ofisi ya Naibu Msajili, Kabwe huku akiambatana na wakili wake, Wakili wa Serikali, Joseph Maugo, wadhamini wake wawili na askari Magereza.

Kabwe alipitia masharti yote ya dhamana ikiwamo wadhamini wawili waliosaini bondi ya Sh20 milioni kila mmoja. Bondi hiyo iliwekwa na Florian James Mutafungwa wa Wizara ya Ardhi, Nyumba na Maendeleo ya Makazi na Dk Verusi Mboneko Kataruga wa Wizara ya Afya na Ustawi wa Jamii.

Saa 9:26 alasiri alitoka katika ofisi hiyo na kurudishwa mahabusu ya mahakama hiyo kwa ajili ya kukamilisha taratibu nyingine za kimahakama na za Jeshi la Magereza na baadaye aliingizwa masjala ya makosa ya jinai kwa ajili ya kusaini hati ya dhamana.

chanzo:mwananchi

Mwenyekiti mpya Chadema kupatikana Desemba 13

Mkurugenzi wa Habari na Uenezi wa Chadema, John Mnyika akizungumza na waandishi wa habari kwenye makao makuu ya chama hicho Dar es Salaam jana. Kulia ni Ofisa Habari wa Chadema, Tumaini Makene. Picha na Joseph Zablon.

CHAMA cha Demokrasia na Maendeleo (Chadema), kimetangaza ratiba ya uchaguzi wake wa ndani, inayoonyesha kuwa kitapata mwenyekiti mpya ifikapo Desemba 13, mwaka huu.

Ratiba iliyotolewa na chama hicho Dar es Salaam jana imeeleza kuwa uchaguzi huo wa mwenyekiti, utatanguliwa na chaguzi nyingine za ngazi za majimbo, mkoa, wilaya, kata na tawi.

“Uchaguzi utaanza Aprili, mwaka huu na tunatarajia umalizike Desemba mwaka huu kwa kumchagua mwenyekiti taifa,” alisema Mkurugenzi wa Habari na Uenezi, John Mnyika.

Alisema kuanzia Aprili hadi Septemba kutafanyika chaguzi katika ngazi za msingi ambazo zinajumuisha matawi, majimbo na wilaya kabla uchaguzi huo haujafanyika katika ngazi ya mkoa kuanzia Novemba.

“Uchaguzi ngazi ya taifa utahusisha pia jumuiya za chama ambazo ni Baraza la Wanawake Chadema (Bawacha), Baraza la Vijana (Bavicha), Wazee, Kamati Kuu na Baraza Kuu Taifa,” alisema.

Nafasi nyingine zitakazoshindaniwa ni za wajumbe wa mkutano mkuu wa taifa.

chanzo:mwananchi

mwanamke mwenye hipsi kubwa duniani

 

WAKATI wanawake wengi duniani wakihangaika kukuza ukubwa wa makalio yao, huku wengine wakitumia njia ya kuvaa taiti zenye hipsi, wanaume wengi huko mjini Los Angeles wamejikuta  wakigeukageuka kumwangalia mwanamke mwenye makalio makubwa kupita kiasi kila apitapo njiani

Mikel Ruffinelli ni mwanamke ambaye mpaka sasa ‘ameishavunja shingo’ za wanaume wengi. Makalio yake na hispi zake za asili zimemfanya atawazwe kuwa mwanamke mwenye hipsi kubwa kuliko wanawake wote duniani.

Mikel anayeishi nchini Marekani hajatumia dawa za mchina wala dawa zozote kama wafanyavyo akina dada wengine na ndiye aliyetambulishwa kuwa ndiye mwanamke mwenye hipsi kubwa kuliko wanawake duniani. Mpaka sasa mama huyo mwenye familia yake ana  hispi zenye  mita 2.44.

Umbile lake halikuja hivihivi, bali alikuwa ni mtu mwenye umbile la kawaida, licha ya kukiri kuwa ndugu zake wengi wana maumbile makubwa.

Hipsi za mwanamama huyo zimekuwa zikiongezeka siku baada ya siku kadiri alivyokuwa akijifungua watoto wake.

Mikel Ruffinelli, ambaye ni mama wa watoto wanne ana umri wa miaka 39 na ni mkazi wa Los Angeles amejisifia kuwa umbile lake limekuwa likiwachanganya wanaume wengi.
Akiwa na kiuno kidogo kisichoendana na mwili wake cha inchi 40, hispi zake zina mzunguko mkubwa wa inchi 96.
“Nalipenda umbile langu na sina mpango wa kujikondesha kwa diet,” alinena Mikel na kuongeza kuwa wanaume wengi wanapenda wanawake wenye maumbile makubwa siyo wale wembamba wembamba.”

Lakini kauli hiyo, imepingwa vikali na Jennifer Lopez, Kim Kardashian na Beyonce ambao wanasema inategemea na mwanaume husika na namna kile anachokipenda, lakini wakati mwingine hutegemea na mazoea ya mwanamume.

Mikel pamoja na kutamba na maumbile yake hayo ambayo anadai ni urithi toka kwenye familia yake ambapo karibuni ndugu zake wote wa kike nao wana hispi kubwa.

Mikel amelazimika kuishi tofauti ili aweze kuendana na umbile lake, hawezi kuenea kwenye gari ndogo hivyo gari analoliendesha ni kama lori.

Akiwa nyumbani kwake inabidi akae kwenye makochi yaliyotengenezwa kwa chuma badala ya mbao, pia kitanda chake nacho ni futi saba kwa saba.

Mume wa Mikel, Reggie Brooks mwenye umri wa miaka 40 ameelezea kupagawishwa na umbile la mkewe na ameongeza kuwa kila siku humsifia kwa kumwambia jinsi gani alivyo mrembo.

Mikel na mumewe wapo kwenye ndoa kwa miaka 10 sasa na wamefanikiwa kupata watoto watatu ambapo mtoto wa kwanza wa Mikel alizaliwa katika ndoa yake ya kwanza kabla hajaachika na kuolewa na Reggie.

CHADEMA SASA WAPANGA SAFU...., KUINGIA IKULU 2015

  Mwenyekiti wa Chadema, Freeman Mbowe akifungua mkutano huo

 Mwenyekiti wa Chadema, Freeman Mbowe akimkabidhi kadi ya uanchama wa chama hicho aliyekuwa Naibu Katibu Mkuu Bara wa Chama cha NCCR-Mageuzi, Clemence Tara baada ya kujiunga na chama hicho.

 Katibu Mkuu Dk. Willbroad Slaa akizungumza katika mkutano huo.

 bungo John Mnyika akitete jambo na Katibu Mkuu wa Chadema Dk. Willbroad Slaa (kulia) wakati wa Kikao cha dharura cha Baraza Kuu la Chadema kilichofanyika jijini Dar es Salaam, leo.

  Katibu Mkuu Dk. Willbroad Slaa akisalimiana na baadhi ya wajumbe katika mkutano huo.

 Mbunge Kigoma, Zitto Kabwe akiwasikiliza kwa makini wajumbe wa kikao cha dharura cha Baraza Kuu la Chadema kutoka mkoa wa Mtwara.

 Muasisi wa Chadema, Edwin Mtei akiingia katika ukumbi wa mkutano huku akifuatana na Mwenyekiti wa Chadema, Freema Mbowe.

 Picha juu na Chini sehemu ya wajumbe wakiitikia  Peoples Power

Sehemu ya Wabunge wa Chadema

  Wajumbe wa mkutano.

 Baadahi ya wabunge wa Chadema wakiwa katika kikao hicho.

Mbunge wa Ubungo, John Mnyika(katikati) akiwa amepozi na baadhi ya wajumbe.Picha zote na Mdau Dande Francis

CHAMA cha Demokrasia na Maendeleo (CHADEMA) kimepitisha mpango mkakati wake wa kuelekea kushika dola mwaka 2015 kwa kumega madaraka ya makao makuu katika kanda kumi.
Maazimio hayo yalipitishwa na Kamati Kuu (CC) juzi kwa agenda moja kubwa ambayo ni kupitisha mpango mkakati wa mwaka 2013 ili kushinda chaguzi zote kuanzia serikali za vitongoji, vijiji na mitaa mwaka 2014 na Uchaguzi Mkuu 2015.
Akizungumza na wajumbe wa kikao cha dharura cha Baraza Kuu jana, Mwenyekiti wa CHADEMA, Freeman Mbowe, alisema kuwa mpango mkakati huo umelenga kufanya mabadiliko ya uongozi kuanzia ngazi ya taifa kwenda katika majimbo na kukipanga upya chama hicho kwa mustakabali wa taifa.
“Mtakumbuka kwamba wakati tunakianzisha chama chetu, tulizungumzia sera ya majimbo na kuainisha kazi zake…sasa tumeanza kupanga kazi zenyewe kwa kugawa majukumu katika kanda kumi.
“Tunataka tuishi vile tunavyosema kwa kuwa katika miaka mingi ya kuwa chini ya uongozi wa serikali ya CCM, wananchi wamekuwa wakiamriwa mambo yao na kundi dogo la watu wanaojikusanya sehemu moja ya nchi, hilo kwetu si mfano bora wa uongozi,” alisema.
Mbowe aliongeza kuwa katika miaka 20 ya kuhimili misukosuko ya kisiasa chama hicho kimejifunza mengi na sasa kiko tayari kushika dola ndio maana wameanza kugawa majukumu kwa wananchi kupitia uongozi wa kikanda.
Alisema kuwa wamejiandaa kwa mashambulizi ya aina zote na sasa jukumu kubwa la kila kanda litakuwa ni kuhakikisha kila mwananchi anaiunga mkono CHADEMA katika eneo atakalokuwa.
Mwenyekiti huyo alitaja kanda hizo na mikoa husika kuwa ni Kanda ya Ziwa Magaharibi (Mwanza, Geita, Kagera), Ziwa Mashariki (Mara, Simiyu, Shinyanga), Ziwa Magharibi (Kigoma, Tabora, Katavi) na Kati (Singida, Dodoma, Morogoro).
Zingine ni Kata za Nyanda za Juuu Kusini (Mbeya, Ruvuma, Iringa), Kusini (Lindi na Mtwara), Mashariki (Pwani, Dar es Salaam na Tanga), Kaskazini (Kilimanjaro, Manyara, Arusha), Pemba na Kanda ya Unguja.
Mbowe alisema katika kuhakikisha vikosi hivyo vinafanya kazi zake vizuri, kila kanda itajengewa ofisi, kununuliwa magari, pikipiki na vifaa vyote vya ofisini na za mikutano.
“Lengo la mkakati huo pia ni kuhakikisha CHADEMA inasimama katika chaguzi zote bila kupingwa…tunataka CCM ndiyo ipingwe katika chaguzi na hili tutalifanikisha,” aliongeza.
Katika suala zima la Muungano, Mbowe alisema uwepo wa serikali tatu hauepukiki kwa kuwa tayari Tanzania Visiwani wameshakuwa na serikali yao hivyo ni jukumu la Watanzania Bara kupata serikali ya Tanganyika na kisha kuwepo na serikali ndogo ya Muungano.
Alisema serikali tatu inawezekana ikiwa viongozi wataacha unafiki wa kusema muungano utavunjika huku tayari wakitoa uhuru wa Zanzibar kuwa na Rais, bendera na wimbo wao ya taifa.
Tunawaunga mkono wenzetu Wazanzibar katika kupigania uhuru kamili na kwa sasa sisi ndio tunaoonekana wa ajabu kushindwa kuuliza serikali ya Tanganyika,” alisema.
Mbowe pia aligusia tume huru ya uchaguzi akisema serikali ihakikishe Watanzania wanapata tume hiyo kwa kuwa tayari hata viongozi wa chombo hicho wameshatoa maoni na kutaka wapewe uhuru wa kufanya kazi.
Alisema serikali kama inafikiri kuwa CHADEMA itaingia katika uchaguzi wa 2015 ikiwa chini ya tume iliyopo sasa watakuwa wanajidanganya na badala yake watalazimisha upatikanaji wa tume hiyo.
Wailiza CCM Kagera
Katika hatua nyingine chama hicho kimeiliza CCM katika uchaguzi mdogo wa vijiji na vitongoji uliofanyika wilayani Muleba mkoani Kagera Jumapili iliyopita.
Licha ya wilaya ya Mulebe yenye majimbo mawili ya uchaguzi kusini na kaskazini yakiwa chini ya CCM, CHADEMA imeweza kunyakuwa viti vingi vilivyokuwa vikishikiliwa na chama hicho tawala.
Katika uchaguzi huo CHADEMA ilinyakuwa vijiji vitatu kati ya vitano katika jimbo la Muleba Kusini linaloongozwa na Prof. Anna Tibaijuka ambavyo ni Kasenyi, Kabunga na Ihangilo.
CHADEMA pia imechukua vitongoji sita vya CCM kati ya 12 vilivyofanya uchaguzi. Vitongoji hivyo ni Nyamagojo, Mushumba, Nyakabingo, Kyamyorwa, Katanda na Kyogoma.
Katika Jimbo la Muleba Kaskazini, linaloshikiliwa na Charles Mwijage, CCM ilipoteza vijiji viwili vya Katoke na Kahumulo kati ya vitano vilivyofanya uchaguzi huku vitongoji vinne vya Rundu, Kalee, Lwanganilo na Kituvi vikiangukia kwa CHADEMA.
Akizungumza na Tanzania Daima kwa njia ya simu kutoka Muleba, Katibu wa Baraza la Vijana wa Taifa (BAVICHA), Robert Rwegasira, alisema wamepata ushindi huo kutokana na wananchi kuanza kuwaamini.
Mafanikio hayo yametokana na hamasa ya vuguvugu la mabadiliko la CHADEMA (M4C) ambalo lilifanyika katika mkoa wa Kagera Novemba mwaka jana.
Katika jimbo la Muleba Kusini, CHADEMA ingeweza kupata viti vya vitongoji zaidi ya idadi iliyopata kwani walisimamisha wagombea tisa kati ya 12 huku nafasi tatu wakiwaachia CUF na NCCR-Mageuzi ambao hawakuambulia chochote.

Chanzo:Tanzania Daima