Oljoro washindwa kuwatambia AFC

mwandishi wetu -Arusha

TIMU ya Maafande wa JKT Oljoro ya jijini Arusha inayoshiriki ligi daraja la kwanza imeshindwa kuonyesha makali yake mbele ya wadogo zao  timu ya AFC Arusha inayoshiriki ligi daraja la pili baada ya kutoka suluhu ya bao 1-1 katika ufunguzi wa michuano ya Nyerere Cup 2015.

Mchezo huo uliofanyika katika uwanja wa Sheikh Amri Abeid, uliwashuhudia maafande hao wa Oljoro wakianza kucheka na nyavu za AFC baada ya kujipatitia bao lake kupitia kwa mchezaji Swalehe Idd alilofunga kwa njia ya Penalti mnamo dakika ya 58, iliyosababishwa na mabeki wa timu pinzani kunawa mpira katika eneo la hatari.

Vijana wa AFC walionyesha juhudi zao kwa kulishambulia lango la Oljoro ambapo walifanikiwa kusawazisha bao mnamo dakika ya 88 kupitia kwa mshambuliaji wao Wandima Malechela baada ya kuachia  shuti kali lililokwenda moja kwa moja vyavuni.

Ufunguzi huo ni utangulizi tu wa Mashindano ya vijana chini ya umri wa miaka 13 yaliyoandaliwa na kampuni ya BIMO Media yenye kauli mbiu "Uchaguzi wa Amani  2015, ndio taifa moja kwa maendeleo ya utalii nchini" na yatafikia kilele siku ya kilele tarehe 19 mwezi huu katika viwanja vya Makumbusho Arusha.

Akifungua mashindano hayo kwa niaba ya mkurugenzi wa jiji la Arusha Idd Juma,  Afisa Elimu jiji la Arusha kwa shule za sekondari Josephat Ntabindi alieleza kuwa mashindano hayo ni humimu hasa kwa watoto hao wenye vipaji kuonyesha uwezo wo huku wakikuza uelewa kwa vijana wadogo na kumuenzi hayati baba wa taifa Mwl Julias Nyerere ambaye pia alikuwa mstari wa mbele katika kuhamasisha michezo hadi kugharamia kambi za timu ya Taifa kitendo ambacho kwa sasa hakipo.

Naye mkurugenzi wa kampuni ya mawasiliano ya Bimo Media Bertha Ismail alisema  maadhimisho hayo yataambatana na mashindano ya kila mwaka  ya ki- elimu  ya uandishi wa insha,makala pamoja na uchoraji  picha juu ya masuala ya utalii  kwa wanafunzi wa shule za msingi 25 zilizopo  Arusha.

“ Lengo ni  kuhamasisha uchaguzi wa mwaka huu  kufanyika kwa amani vile vile kuhamasiha watu  kuhudhuria hifadhi za utalii zilizoasisiwa na Mwl Nyerere na tunategemea Zaidi ya wanafunzi 700 watashiriki  katika shindano hilo la isha.”ismail alifafanua.

Timu za nyota academy,Future Stars,Kijenge Youth,Rolling Stone,Young Life na palloti zitachuana na washindi watakabidiwa zawadi mbalimbali ikiwemo vikombe na fedha.

Mwisho...................

Oljoro na Arusha fc kuchuana katika kumuenzi Hayati Mwl, Nyerere.

Arusha . Timu ya maafande wa Jkt Oljoro inayoshiriki ligi daraja la kwanza Tanzania bara inatarajia kuchuana vikali na ndugu zao timu ya Arusha FC katika ufunguzi wa ligi maalum ya Nyerere cup inayotarajiwa kuanza kutimua vumbi septemba 10 jiji Arusha.

Tiyari timu ya Arusha fc na Jkt Oljoro zimethibitisha kushiriki michuano hiyo huku kila mmoja akijitamba kuonyesha ubabe dhidi ya mwenzake na pia wakitumia mechi hiyo kutambulisha wachezaji wao kwa wapenzi wa Soka wa jiji Arusha.

Mechi hiyo ya ufunguzi kati ya Oljoro na AFC itakayochezwa jioni  katika uwanja wa Sheik Amri Abeid, ni kwa ajili ya kufungua michuano ya Nyerere cup  itakayoshirikisha Jumla ya timu Sita za vijana chini ya umri wa miaka 13, lengo kubwa ikiwa ni kumuenzi muasisi wa Taifa hili Hayati Mwl, Julius K. Nyerere.

Akizitaja timu shiriki katika ligi hiyo, mratibu wa maadhimisho hayo Bertha Ismail alisema kuwa ni pamoja na Nyota Accademy, Future Star, Kijenge Youth zingine ni Rolling stone, Young Life na Pallot.

“Maadhimisho haya huwa yanafanyika Octoba 14 kila mwaka lakini kwa mwaka huu tunafanya mwezi Septemba ili maadhimisho haya yasiathiriwe na zoezi la Uchaguzi ambapo pamoja na kumuezi Muasisi wa Taifa letu lakini ligi hii pia inalenga kuhasisha wananchi wafanye uchaguzi kwa amani bila vurugu ili sekta ya utalii hapa nchini izidi kukua”

“Katika maadhimisho haya yatakayofunguliwa na mkurugezi wa jiji la Arusha Iddi Juma yana “kauli mbiu ni Uchaguzi wa amani 2015: Taifa Moja kwa Maendeleo ya utalii” ambapo wadau mbali mbali wa maendeleo ya nchi yetu na utalii kwa ujumla watahudhuria ufunguzi na kilele ambayo ni septemba 19 na atakaefunga ni mkurugenzi wa hifadhi ya Taifa (TANAPA)  Allan Kijazi”

Bertha Alisema kuwa michuano hiyo ni utangulizi tu wa mashindano ya uandishi na uchoraji wa insha kwa wanafunzi 700 kutoka shule shule 25 za jiji la Arusha zitakazofanyika septemba 19 katika viwanja vya makumbusho jijini Arusha mashindano yaliyodhaminiwa na TANAPA, PALACE HOTEL, AICC, Bonite botllets, jiji la Arusha na TBL.

Mwisho…………..

Mtanzania Singh bingwa wa michuano ya Utrack nane nane Rally, 2015

magari tiyari kwa kuondoka check point mmoja mmoja

gari la dereva maarufu kwa mbio za magari kutokana na kushinda kwake Gerald Miller akikata nyika katika michuano ya Utrack nane nane Rally yaliyofanyika Arusha.

Bertha Ismail - Arusha

“Nimefurahi sana kuona  jinsi kiwango changu kinapanda na naamini hii ni mwanzo wa kutimiza ndoto zangu za kuwa mtaalamu wa mchezo wa gofu niweze kushindana kwa kulipwa na kuwa mchezaji maarufu wa mchezo huu na kuiwakilisha nchi yangu vema”.

Ni maneno ya kijana mdogo aliyeko kundi la Junior Mohamed Ally alipokuwa akizungumza na waandishi wa habari baada ya kuibuka mshindi wa jumla katika michuano ya Arusha Open yaliyoshirikisha wachezaji 82 wa gofu kutoka mikoa mbali mbali nchini pamoja na nchi za Dubai na Kenya.

“Mimi ndoto zangu ni kuwa profesheno wa gofu nchini ili niweze kuwa mchezaji wa kulipwa na kuchuana katika mashindano mbalimbali ya kitaifa na kimataifa na kuitangaza nchi yangu hivyo watu wasishangae uwezo wangu wakalinganisha na umri wangu wa chini ya miaka 18 bali waangalie kipaji change na ndoto zangu ambazo siri hii ni mazoezi ya mara kwa mara kama sala kwangu”

Ally wa Arusha ametwaa ushindi wa jumla baada ya kupata nyavu 131,  (131 nett) katika kumbi 36 (36 halls) kwa siku mbili, huku kwa daraja la kwanza Richard Gomes (Arusha) akitwaa ushindi kwa kupata nyavu 152 nett akifuatiwa na Victor Joseph wa  Dar –es-salaam kwa kupata pia nyavu 152.

Kwa upande wa daraja la pili Prabvir Singh alitwaa ushindi kwa nyavu 146 akifuatiwa na Muzzafer Yusufally  kwa nyavu 156 wote wa Arusha na daraja la tatu Hiten Nathwan ambae ni mwenyekiti wa Arusha Gymkana Club kwa nyavu 150 akifuatiwa na Mona Singh kwa vyavy 151.

Akizungumzia mashindano hayo mwenyekiti wa mashindano kutoka chama cha Gofu Taifa alisema mashindano hayo ya Taifa yaliyoko kwenye kalenda ya TGU yana lengo la kutambua wachezaji wazuri wa machezo huo, kukuza vipaji vya vijana wadogo sambamba na kuvinoa vilivyopo.

“Kwanza niseme tu nimefurahishwa na uwezo mkubwa aliyoonyesha kijana mdogo Ally ukilinganisha na umri wake hali ambayo inatia moyo kuwa kwa sasa vilabu vina wachezaji wazuri watakaounda timu ya nchi yetu na kuna baadhi ya wachezaji wengine tumewaona na tutawaangalia tena kwenye michuano ya Taifa yatakayofanyika Moro goro”

“Lengo la mashindano hayo ya Morogoro ni kutafuta wachezaji wazuri watakaounda timu ya Taifa itakayokaa kambini kwa kujinoa kushiriki michuano ya nchi za  Afrika mashariki na kati yatakayofanyika Octoba nchini Kenya”

Mashindano hayo ya Arusha Open yaliyodhaminiwa na I&M bank yajulikanayo kama “I&M Golf Arusha Open” yameshirikisha wachezaji 82 kutoka vilabu vya Arusha, Dar, Moshi, TPC, Lugalo, Nairobi na Dubai.

Kijana Mohamed Ally atwaa ushindi wa "I&M Arusha open Golf competition"

Bertha Ismail - Arusha

“Nimefurahi sana kuona  jinsi kiwango changu kinapanda na naamini hii ni mwanzo wa kutimiza ndoto zangu za kuwa mtaalamu wa mchezo wa gofu niweze kushindana kwa kulipwa na kuwa mchezaji maarufu wa mchezo huu na kuiwakilisha nchi yangu vema”.

Ni maneno ya kijana mdogo aliyeko kundi la Junior Mohamed Ally alipokuwa akizungumza na waandishi wa habari baada ya kuibuka mshindi wa jumla katika michuano ya Arusha Open yaliyoshirikisha wachezaji 82 wa gofu kutoka mikoa mbali mbali nchini pamoja na nchi za Dubai na Kenya.

“Mimi ndoto zangu ni kuwa profesheno wa gofu nchini ili niweze kuwa mchezaji wa kulipwa na kuchuana katika mashindano mbalimbali ya kitaifa na kimataifa na kuitangaza nchi yangu hivyo watu wasishangae uwezo wangu wakalinganisha na umri wangu wa chini ya miaka 18 bali waangalie kipaji change na ndoto zangu ambazo siri hii ni mazoezi ya mara kwa mara kama sala kwangu”

Ally wa Arusha ametwaa ushindi wa jumla baada ya kupata nyavu 131,  (131 nett) katika kumbi 36 (36 halls) kwa siku mbili, huku kwa daraja la kwanza Richard Gomes (Arusha) akitwaa ushindi kwa kupata nyavu 152 nett akifuatiwa na Victor Joseph wa  Dar –es-salaam kwa kupata pia nyavu 152.

Kwa upande wa daraja la pili Prabvir Singh alitwaa ushindi kwa nyavu 146 akifuatiwa na Muzzafer Yusufally  kwa nyavu 156 wote wa Arusha na daraja la tatu Hiten Nathwan ambae ni mwenyekiti wa Arusha Gymkana Club kwa nyavu 150 akifuatiwa na Mona Singh kwa vyavy 151.

Akizungumzia mashindano hayo mwenyekiti wa mashindano kutoka chama cha Gofu Taifa alisema mashindano hayo ya Taifa yaliyoko kwenye kalenda ya TGU yana lengo la kutambua wachezaji wazuri wa machezo huo, kukuza vipaji vya vijana wadogo sambamba na kuvinoa vilivyopo.

“Kwanza niseme tu nimefurahishwa na uwezo mkubwa aliyoonyesha kijana mdogo Ally ukilinganisha na umri wake hali ambayo inatia moyo kuwa kwa sasa vilabu vina wachezaji wazuri watakaounda timu ya nchi yetu na kuna baadhi ya wachezaji wengine tumewaona na tutawaangalia tena kwenye michuano ya Taifa yatakayofanyika Moro goro”

“Lengo la mashindano hayo ya Morogoro ni kutafuta wachezaji wazuri watakaounda timu ya Taifa itakayokaa kambini kwa kujinoa kushiriki michuano ya nchi za  Afrika mashariki na kati yatakayofanyika Octoba nchini Kenya”

Mashindano hayo ya Arusha Open yaliyodhaminiwa na I&M bank yajulikanayo kama “I&M Golf Arusha Open” yameshirikisha wachezaji 82 kutoka vilabu vya Arusha, Dar, Moshi, TPC, Lugalo, Nairobi na Dubai.

Mwisho…………….

Nangolo : Lowassa alionewa kukatwa jina na Kamati ya CCM

Bertha Ismail

Arusha . Pamoja na kuwa chama cha mapinduzi imekamilisha zoezi la kumpata mgombea Urais wa chama hicho mwezi Octoba mwaka huu lakini Dhambi ya  kumkata  aliyekuwa  mmoja wa wagombea Urais Edward Ngoyai Lowassa imeendelea  kukitafuna chama hicho baada ya mwenyekiti mkoa wa Arusha Onesmo Ole Nangole kuonyesha wazi kuumizwa na matokeo hayo.

 Hali hiyo imejitokeza jana mkutano maalumu  wa uchaguzi wa wabunge viti maalumu kupitia Umoja wa Wanawake Tanzania (UWT) uliofanyika  katika ukumbi wa mikutano wa AICC mjini hapa ambao ulihudhuriwa na wajumbe kutoka wilaya zote za mkoa wa Arusha ambazo ni Longido, Ngorongoro, Karatu, Arumeru, Arusha mjini na Monduli.

Nangole alisema kuwa pamoja na kamati kuu ya CCM kumpitisha Dr. Magufuli lakini uchaguzi huo haukuwa wa haki na usawa kwani hata Lowassa alikuwa na sifa zote za kupitishwa kwenye hatua za awali lakini alikatwa jambo ambalo limewaumiza sana na hadi leo wana Arusha wanaumwa kutokana na haki haikutendeka pamoja na kujitokeza kunyosha mkono kutoa hoja kwenye mkutano huo lakini walizuiliwa

“Naomba niseme kwa hili CCM iliyofanya imesababisha chama chetu kuingia kwenye hali ya chuki na kuendesha mapambano ya sisi kwa sisi badala ya mapambano hayo kuelekeza upinzani hali ilipelekea baadhi yetu kuchukua maamuzi magumu ya kuhama chama na kusaliti ,.. na kutokana na hili chama chetu hakitafika mbali kama watakuwa wanawafanyia hivi watu wenye sifa, na ijulikane kuwa chama hiki ni cha watu wote hivyo tusijione wengine wakubwa na kuwadharau wengine kwa kutumia vyeo vyetu kuwadhalilisha”

  “Ndugu zangu baadhi yenu hamkuwepo kwenye huu uchaguzi hivyo niwaambie wazi kuwa Lowasa alionewa kwani sifa za kamati ya maadili kumpitisha lakini kutokana na chuki binafsi bila kujali ni chaguo la wananchi wengi wanamkubali wakamkata” alisema Mwenyekiti Ole Nangolo ambae alishangiliwa mda wote kuonyesha maneno hayo yanawagusa wajumbe.


Nangole akizungumza kuhusiana na uchaguzi huo wa UWT, aliwataka
wanawake kufanya maamuzi sahihi ya kuwachagua viongozi wenye uchungu na mapenzi mema na wanawake hao ambao watakuwa tayari wakati wowote kubeba matatizo yao.

Aliwataka wanawake hao kuchagua  viongozi  ambao  watakuwa tayari
kufika katika maeneo ya wananchi kusikiliza kero zao na kuzipatia
ufumbuzi na sio viongozi wanaofika kwa mwaka mara moja pindi
wanapohitaji  kura .

‘kila mmoja anajua kuwa kazi ya mbunge ni kushughulikia kero za
wananchi usiku na mchana na sio kuwafuata wananchi kwa msimu  na nyie wenyewe mnawafahamu vizuri msifanye makosa katika uchaguzi huu chagueni kiongozi kwa manufaa yenu wenyewe ‘alisisitiza Nangole.

Naye Katibu  wa UWT Mkoa wa Arusha, Fatuma Hassan aliwataka wanawake hao kuhakikisha wanawachagua viongozi wanaojali maslahi ya wananchi hususani wanawake  kwani hivi sasa ndipo wanapotakiwa kufanya maamuzi yaliyo sahihi.

Aliwataka  wanawake hao kuwa  makini katika kuwachagua viongozi wenye kujali shida na changamoto za wananchi na watakaokuwa tayari kuleta maendeleo kwa wakazi wa jiji la Arusha na wasikubali kurubuniwa na mtu yeyote bali maamuzi wafanye wao wenyewe.

Kwa upande wake msimamizi wa Uchaguzi huo ambae ni mkuu wa mkoa wa Arusha Daudi Filex  Ntibenda alisema kuwa endapo wajumbe hao watafanya makosa ya kumchagua mtu asiyekubalika basi wasilalamike kuwa hawana maendeleo bali wawalaumu waliompa dhamana.

Mwisho.

Panone fc yazitamani simba na Yanga

Bertha Mollel,

TIMU YA PANONE FC YA KILIMANJARO

 Ama kweli timu ya Panone fc ya mkoani Kilimanjaro imepania kupanda daraja msimu ujao wa ligi na hii ni baada ya Kocha wake mkuu Atuga Manyundo kuweka wazi ratiba ya mazoezi yake ikiwemo wiki mbili za mwisho kucheza mechi za kirafiki na timu kubwa za Simba, Mbeya city na Yanga.

Timu hiyo iliyoingia kambini kwa kujinoa ili kujiwinda na ligi daraja la kwanza msimu ujao chini ya kocha mkuu Manyundo alisema kuwa mara baada ya timu kuingia kambini yapo mapungufu mengi wameyaona ikiwemo Ubutu wa nafasi ya mlinda mlango, fowadi na kiungo hivyo kwa sasa anashauriana na benchi zima la ufundi kuanza usajili mapema.

“Nimeona nafasi butu ambazo nimekueleza ambazo kwa sasa tuko njiani kupiga hodi katika sehemu mbali mbali kusaka wachezaji watakaojaza hizo nafasi na kuwa kali kweli kweli lengo ni kutowaangusha wana Kilimanjaro katika msimu ujao lazima tupae hadi ligi kuu”

“Ila kikubwa kwa sasa ni kuwapa wachezaji waliopo mazoezi ya pumzi, kasi ya mpira na ukabaji na baada ya hapo ratiba yetu inasema tucheze mechi za kirafiki na timu kubwa kujua mapungufu, kama unavyojua sisi ni timu ya ligi kuu ijayo hivyo lazima tucheze na timu za ligi kuu na kama unavyojua Simba na Yanga ndio chaguo letu la kwanza”

“Ila kwa sasa macho na masikio yetu ni kucheza na vilabu vya Mbeya city, vilabu vya hapa Tanga kama Prison ili tujue wanavyocheza na sisi tujue mapengo yetu ni yapi na kuyajaza mapema maana huu mwaka kwetu ni kazi tu hakuna kuremba” alisema Atuga”

Kwa upande wake katibu mkuu wa kikosi hicho Augustino Mwakatumbula alisema kuwa kutokupanda kwa timu hiyo hawatakuwa na sababu yoyote kutokana na tiyari mazingira mazuri ya kupanda yamewekwa ikiwemo malazi, chakula na usafiri pamoja na posho nzuri za wachezaji .

“Yaani mimi niseme tu kuwa kama wachezaji wetu wasipotufurahisha kwa mwaka huu basi kwani hawatakuwa na sababu yoyote ya msingi ya kushindwa kushinda kutokana na mazingira mazuri tuliyowawekea na sasa tunaangalia kocha tu usajili anaoutaka ndio tuufanye hadi kieleweke”

Mwisho…………………

Jiji la Arusha yajivunia BVR.

 

MKURUGENZI WA JIJI LA ARUSHA

Halmashauri ya jiji la Arusha limefanikiwa kuitimisha zoezi la uandikishaji wa daftari la wapiga kura kwa kuandikisha jumla ya wananchi 321,575, huku mkurugunzi wa jiji hilo akiwataka wote waliojiandikisha kujitokeza kupiga kura.

Akizungumza na gazeti hili wakala wa uandikishaji jiji la Arusha, Iddi Juma ambaye pia ni Mkurugenzi wa jiji alisema kuwa awali walitarajia kuandikisha watu 265,087 lakini wamefanikiwa kuvuka lengo kwa zaidi ya asilimia 21 kwani wameandikisha watu 321,575 ambayo ni sawa na asilimia 121.

“Tunajivunia kuvuka lengo letu la idadi ya walioandikishwa lakini hatuwezi kujivunia kwa uandikishaji tu bali tutajivuania zaidi pale idadi hii waliyojiandikishwa wakijitokeza wote kupiga kura octoba kwenye uchaguzi mkuu wa kupata viongozi mbali mbali wa nchi”

“Nimesema hivyo kwa sababu vijana wengi walioonekana kupata vitambulisho hivyo walifurahia tu kuwa itawasaidia katika mambo yao binafsi lakini siyo kupia kura, lakini naomba niwaambie kuwa kupata kitambulisho ni jambo moja lakini kupiga kura ni jambo la msingi zaidi hasa ikizingatiwa ni haki ya msingi kupata kiongozi aliyepatikana kwa kura yako hivyo wajitokeze kwa wingi kupiga kura”

Mkuu huyo amesema kuwa kumekuwa na mazoea ya wananchi kutokujitokeza katika zoezi la upigaji kura kutokana na kuendekeza starehe pamoja na biashara na kusema kuwa swala hil ni kosa kwa sheria ya nchi hasa kutokana na gharama kubwa serikali inayotumia kuhakikisha zoezi hilo linafanikiwa hivyo kwa mwaka huu Arusha wasifanye kosa hilo bali wajitokeze kuchagua kiongozi wanaemtaka kwa maendeleo ya jiji, mkoa na nchi kwa ujumla.

Zoezi la uandikishaji wa wapiga kura jiji la Arusha lilianza june 16 na kufikia tamati julai 18 huku wanawake 160, 143 wakijiandikisha na wanaume 161, 432 katika vituo 183 katika kata 25 za jiji la Arusha.

“Katika zoezi hili naamini hakuna mtu asiyejiandikisha hasa baada ya kuruhusu watu wenye kazi au biashara wajiandikishe kwenye vituo vya biashara zao kutokana na ugumu wa kutoka, na pia hili linajidhihirisha siku tatu za mwisho hakukuwa na foleni kabisa kwenye vituo vya uandikishaji huku vituo vingine wakala wakikosa kabisa wateja la kushinda wakipiga soga hii inaonyesha kabisa watu wamemalizika na kama kuna watu wasiojiandikisha basi hawakutaka tu”

Mwisho…………

Arusha FC yahitaji milioni 28 kumudu SDL.

Timu ya Arusha fc inayoshiriki ligi daraja la pili msimu ujao wa ligi ya Tanzania bara imejikuta ikihitaji zaidi ya milioni 28 kwa ajili ya kugharamia timu hiyo hadi kumalizika kwa SDL msimu wa 2015/2016, hivyo kuwaomba wadau watoe ushirikiano wao kuhakikisha fedha hizo zinapatikana.

Zaidi ya hayo wamewaomba wadau wa soka mkoani Arusha, kujitokeza katika kudhamini chochote katika timu hiyo ili kuwezesha kuwatangaza katika mikoa yote watakayocheza lengo ikiwa ni kutimiza azma yao ya kupanda hadi ligi daraja la kwanza.

Hayo yamejiri katika mkutano maalum wa wadau wa timu hiyo iliyofanyika hivi karibuni katika viwanja vya Sheik Amri Abeid uliokuwa na lengo la kujadili namna ya kuanza maandalizi ya ligi yao ya daraja la pili ikiwemo kufanya usajili, kutafuta kocha sambamba na benchi la ufundi na viongozi.

Katika mkutano huo uliohudhuriwa na wadau mbali mbali, Katibu Omari Kombo alisema kuwa hadi kumalizika kwa ligi timu inahitaji milioni 28 kwa ajili ya kugharamia usajili, malazi, usafiri pamoja na posho za wachezaji hivyo wadau watoe ushirikiano wao kuhakikisha hili linafanikiwa ikiwemo kutafuta wafadhili wa ndani na nje ya mkoa.

Katika mkutano huo wadau pia waliamua kuteua viongozi watakao isimamia timu hiyo hadi watakapo chagua viongozi wapya kwa mujibu wa katiba ya timu hiyo ambapo Abass Utanga alipewa nafasi ya mwenyekiti, Wille Mollel makam mwenyekiti, Salim Kombo katibu mkuu, Charles Mwaimu katibu msaidizi, Dr Kilavu mweka hazina.

Pia kamati ya usajili na ufundi walioteuliwa ni Denis Shemtoi, Denis Nyambele, John Change, Idd Mkulu, Azizi Nyoni, na Ally Wingi ambao Ndio watakao hakikisha AFC inakuwa katika hali ya ushidani zaidi ya msimu ulipita na kufanikiwa kupanda ligi daraja la kwanza.

SDL msimu wa 2015/2016, inayotarajia kuanza kutimua vumbi mwezi wa kumi tarehe 17 kwa mujibu wa taarifa iliyotolewa na TFF huku AFC ikiwa imepangwa kundi B pamoja na Alliance FC [Mwanza], Madini FC [Arusha], Bulyanhulu FC [Shinyanga], JKT Rwankome [Mara], na Pamba ya Mwanza.

Mwisho…………….

Singh atwaa ubingwa wa "Northern province golf competition” 2015/2016

Mwanamichezo wa gofu za ridhaa (amacha) Prabvir Singh ameibuka kidedea katika michuano ya wazi ya siku mbili yajulikanayo kama “Northern province golf competition” na kufanikiwa kuwa bingwa wa mashindano hayo kwa mwaka 2015/2016.

Mashindano hayo ya wazi yaliyoandaliwa na chama cha gofu Tanzania, TGU (Tanzania gofu Union) kwa kushirikiana na Arusha gymkhana club (AGC) yalifanyika kwa siku mbili mwishoni mwa wiki ambapo Singh aliibuka mshindi wa jumla kwa kupiga mikwaju 141 na kufanikiwa kuwa bingwa na kuzawadiwa kombe kubwa.

Michuano hiyo iliyodhaminiwa na Benson Security System  pamoja na Sameer Parts ltd yaliweza kuwapa makombe pia mshindi wa daraja la kwanza Simon Travers aliyepiga mikwaju 149 akifuatiwa na Izak Wanyeche waliyepiga mikwaju 150.

Kwa daraja la pili Jugdish Ahluwalia “Chuchu” aliibuka mshindi kwa kupiga mikwaju 146 akifuatiwa na Kush Lodhia  149 huku daraja la tatu Rujvil Sohal akishinda kwa mikwaju 150 akifuatiwa na Alliabbas Somji aliyepiga mikwaju 151 wote wa Arusha.

Northern province golf competition yalishirikisha pia wanawake na Lina Francis wa Arusha kuibuka mshindi kwa kupiga mikwaju 148 na kwa watoto Jafari Omary wa TPC moshi kwa mikwaju 146 huku Habbib Yusufali (Arusha) akiibuka mshindi kwa upande wa wazee kwa kupiga mikwaju 168 na wote kupatiwa makombe madogo.

Zawadi za makombe pia zilitolewa kwa washindi waliovuka viwango (Cross winner) ambapo Abbas Adam wa Moshi aliibuka kwa kupiga mikwaju 154 akifuatiwa na Danniel Corpella kwa kupiga mikwaju 154 pia washindi wa siku ya kwanza Muzafar Yusufali aliibuka mshindi kwa mikwaju 72 na Minir Sheriff wa moshi alimfuatia kwa mikwaju 73.

Washiriki wa mashindano hayo 61 kutoka vilabu vya TPC na moshi club, Lugalo sambamba na Arusha walitakiwa na mgeni rasmi ambae ni mhazini wa gofu taifa Gelase Rutachibirwa kuwa wajitahidi kutafuta chipukizi wa mchezo huo watakaokuwa na viwango vizuri kuunda timu ya taifa ili kufanikiwa kushiriki katika mashindao mbali mbali ya kimataifa na kuiwakilisha nchi yetu.

Kwa upande wa mmoja wa wadhamini wa mashindano hayo kutoka Benson Security System, Nadeem Hussein alisema kuwa mashindano ya mara kwa mara kama hayo yanaweza kuwafanya wachezaji kupanda viwango na kuwa wataalam wa mchezo huo (Proffessional) na kupata ajira.

Mwisho………….

Bimo Media yaiunga mkono CCM kuandaa tamasha la amani

na Mwandishi wetu - Arusha

Uongozi wa taasisi ya BIMO Media ya Mkoani Arusha. Umeelezea kuunga mkono hatua ya Chama Cha Mapinduzi (CCM) kupendekeza kuwepo siku maalumu ya kuadhimisha umoja na amani kitaifa.

BIMO pia imeelezea kufurahishwa na hatua ya CCM kutaka kuanzisha matamasha maalumu ya umoja na Amani yanayolenga kudumisha mshikamano nchini bila kujali itikadi za wananchi.

Mkurugenzi wa taasisi hiyo, Bertha Ismail Mollel amesema kuwa BIMO Media ilikuwa ya kwanza kuandaa matamasha haya ya Amani na kwamba tukio la kwanza lilifanyika jijini Arusha mnamo mwezi Desemba mwaka jana na kwamba kwa mwaka huu wako tayari kabisa kuungana na Chama Tawala katika kuhakikisha kuwa matamasha ya Amani yanafanikiwa kwa kiwango kikubwa hapo mwezi julai.

"Swala la amani ni jukumu la kila mtu hivyo sisi tulianza tukiwa na lengo kubwa la kuwakutanisha vijana pamoja na kuwaeleza umuhimu wa amani na wasikubali kugawanywa kwa misingi ya dini, ukabila wala siasa pia wasikubali kutumika kama magaidi katika nchi yao bali  wajenge uzalendo wa hali ya juu" alisema Bertha.

Wakati huhuo huo Msajili wa vyama vya siasa nchini, Jaji Francis Mutungi ameelezea kufurahishwa na matamasha ya Amani na hasa pale yanapowalenga vijana ambao ndio nguvu kuu ya taifa na ndio hasa wenye jukumu la kulinda Amani na kudumisha umoja nchini.

Hata hivyo Jaji Mutungi amebainisha kuwa, ni vizuri pia wanafunzi wa vyuo na shule zote nchini washirikishwe kikamilifu bila kusahasu viongozi wa dini na taasisi zake kwani huko ndiko wananchi huwakilishwa kwa wingi.

Hivi karibuni uongozi wa juu wa CCM ulipendekeza kuwepo na siku maalum kitaifa kwa ajili ya kuadhimisha umoja na Amani ambapo matuniko kadhaa yakiwemo ya michezo, matamasha ya muziki, sala maalum na mengineyo yangekuwa yanafanyika na kuwaleta pamoja wananchi katika maeneo yote nchini kujumuika bila kujali tofauti zao za kiitikadi na kisiasa.

Matamasha hayo yameelezewa kuwa ni hatua muhimu ya kuwaunganisha tena watanzania hususan katika kipindi hiki cha uchaguzi ambapo watu wengi hujikuta wamegawanyika kutokana na kampeni za wanasiasa wanaowania nafasi na nyadhifa kadhaa nchini huku wakitumia vijana kutishia uvunjifu wa amani.

mwisho........

Ukata waikwamisha Arusha kushindana michuano ya majiji Afrika na kati

Timu ya Arusha mpira wa kikapu (wa kwanza kushoto ndie katibu wa mchezo huo Mkoa)

Bertha Ismail - Arusha

Timu ya mpira wa kikapu ya Jiji la Arusha ni miongoni mwa timu za majiji za Nchi za Afrika yanayoshiriki mashindano ya mpira wa kikapu kila mwaka, lakini kwa mwaka huu Ukata unaoindama timu hiyo imeshindwa kabisa kuwakilisha katika mashindano hayo ya mwaka huu yaliyoanza kutimua vumbi katika uwanja wa ndani wa Taifa jijini Dar es salaam jana.

Akizungumza kwa uchungu mkubwa, katibu wa Mpira wa kikapu mkoa wa Arusha Bariki Kilimba aliliambia gazeti hili kuwa wameshindwa kwenda kushiriki michuano hiyo kuwakilisha jiji la Arusha kutokana na kukosa kiasi kidogo cha pesa kilichopelea huku wadau wakishindwa kuwasaidia.

“Kiukweli imeniuma sana kushindwa kushiriki mashindano haya makubwa Afrika kwa sababu tu ya kukosa kiasi kidogo cha pesa kwani bajeti yetu ilikuwa ni milioni 1.6 hivyo tulitembea kwa wadau ikiwemo jiji la Arusha na kwa mkuu wa mkoa lakini tuliambulia patupu, ila kwa sababu tuna moyo tuliamua kuchangishana kwa wale wenye uwezo ambapo tulipata laki 8 na wachezaji wengine ni wanafunzi hivyo walishindwa kuchanga na fedha ikapelea”

“kUfuatia hali hiyo tulianza kutafuta marafiki wa karibu yetu lakini wengi hawakuwa na uwezo wa kutusaidia hivyo tukaamua tu kutulia na nafasi yetu bado ipo hewani hivyo tunaomba kwa watu wenye uwezo jamani watusaidie bado tuna nafasi ya kuwakilisha jiji letu kwenye nchi  za Afrika au kampuni na taasisi zitusaidie nasi tutawatangaza kwenye nchi hizi shiriki” alisema Kilimba.

Timu hiyo ya wanaume yenye jumla ya wachezaji 10 ilianza mazoezi makubwa tangu mwezi uliopita  huku wakifanya mashindano ya mara kwa mara za kirafiki kujifua kwa ajili ya mashindano hayo ya majiji wakiwa na matumaini makubwa ya kurudi na ushindi lakini ukata umekatisha ndoto zao.

Aidha michuano ya mpira wa kikapu kutoka majiji ya Afrika yameanza jiji Dar huku timu kutoka sehemu mbali mbali zikishiriki ikiwemo majiji ya Tanga, Mwanza, Kampala, Kigali Entebe, Nairobi Mombasa, Mogadishu, Hargeisa (Somalia), Bujumbura, Garowe, Diaspora, Bentieu, Malakal,Juba, Cairo n.k.

mwisho............

Mmoja afariki kwa kutumbukia bwawani- Arusha.

mwili wa Ibrahim baada ya kuopolewa kwenye bwawa hilo na wasamaria wema baada ya wataalam wavamiaji kukosekana

Arusha. Mtu mmoja,  Ibrahim Issa (25) amekufa maji baada ya kutumbukia kwenye bwawa lenye maji linalomilikiwa na kampuni ya Kili flora lililoko eneo la Mlangarini Wilayani Arumeru mkoani Arusha.

mwili ukipelekwa pembezoni mwa bwawa tiyari kutolewa kwenye maji

baadhi ya wafanyakazi wa kampuni ya maua ya kili flora wakiwa wanashuhudia mwili wa mwenzao baada ya kuopolewa kwenye bwawa.

jeshi la polisi pamoja na maafisa wa zima moto wakiondoa mwili eneo la tukio kuupeleka chumba cha kuhifadhia maiti katika hospitali ya mkoa mount meru tiyari kwa mazishi

Mwili huo uliodumu kwenye maji kwa muda wa masaa 26, uliokolewa na wasamaria wema waliojitolea kuutafuta mwili huo ili kuutoa kwenye bwawa alikotumbukia lenye kina cha maji mita 20 chini na mita 500 urefu.

Baadhi ya wafanyakazi wa kampuni hiyo ya Kili flora walisema  kuwa marehemu alitoka mapumziko ya kunywa chai saa nne asubuhi may 8 mwaka huu na kubeba waya aliyotengenezea ndoano kwa ajili ya kwenda kujipatia samaki lakini kwa bahati mbaya aliteleza na kuangukia ndani ya maji.

“Kwa mbali tulisikia kama kuna kelele bwawani nyuma ya mashambani na tulipokwenda kutazama tulimuona Ibrahim (Mrehem) Akiomba msaada na tukafanya juhudi za kumrushia kamba kuvuta lakini haikuwezekana kwani alishachoka na ndipo alipozama”alisema Jane Macha

Macha alisema Tulitoa taarifa kwenye uongozi kumuokoa mapema lakini hata hivyo ilishindikana kwa kutolewa ruhusa ya haraka kutokana na makao makuu ya uongozi kuwa USA, eneo ambalo ni mbali na hapa hivyo baadae uongozi ulipofika ulikuwa unasua sua kufanya taratibu za kumuokoa mapema hivyo wananchi walijitosa kwenye maji na kuanza kumtafuta  kucha bila mafanikio.

Mwenyekiti wa mtaa wa Olomitu, kata ya Mlangarine, Absalom Kambaine  alisema kuwa ingawa alichelewa kupata taarifa lakini siku ya pili asubuhi ya May, 9 alikwenda  kuomba msaada wa kuupata mwili kwa wataalam wa maafa wakiwemo jeshi la polisi, jeshi wananchi kikosi 977kj, na kikosi cha zima moto lakini hakufanikiwa kwa kile kinachodaiwa ukosefu wa vifaa.

“Kiukweli nimepata taarifa asubuhi hii nikaamka na kukimbia kimbia kwa wataalam ambapo zimamoto walifika eneo la tukio lakini walisema hawawezi kuupata mwili huo kwani hawana vifaa vya uokoaji majini pia wataalam wa kuzama, nikaenda kambi ya jeshi hii hapa karibu moshono nao wakasema hakuna wataalam wa uzamiaji majini bali wapo wavuvi pekee na hawataweza kufanya kazi hiyo hadi kibali makao makuu pia polisi walifika hapa lakini wao wakasema wamekuja kuweka ulinzi na kusubiri mwili tu” alisema mwenyekiti Kambaine.

Kwa upande wa baba mzazi wa marehem Joseph Issa alisema  kuwa hali hiyo ya mwanae kuzama na kukaa ndani ya maji kwa zaidi ya masaa 26 ni uzembe wa vikosi husika na serikali kwa pamoja kukosa vifaa vya uokoaji ndio maana maafa yanatokea mara kwa mara huku hakuna anaejishughulisha na tahadhari hivyo wanamuachia Mungu swala hilo,

Mwisho………

magazeti ya leo Tanzania mei 6, 2015

 

 

 

 

 

 

 

 

 

 

 

 

 

 

 

 

 

 

 

 

 

mashabiki wa simba wapiga yanga 6-3

Bertha Ismail - Arusha

Wakati matani ya hapa na pale yakiendelea baina ya mashabiki wa timu kongwe nchini Simba na Yanga, mashabiki hao  Arusha wameamua kufuta ubishi wa nani Mb’abe wa kandanda safi, ambapo Simba wamedhiirisha umwamba wao baada ya kuwabugiza Yanga mabao 6-3.

Mchezo huo wa kirafiki uliowakutanisha mashabiki wa simba na yanga Arusha, uliopigwa katika uwanja wa shule ya msingi Moshono kwa lengo la kutaka kujua nani m’babe wa soka, Simba ilidhiirisha umwamba wake baada ya kuwapiga mashabiki wa Yanga jumla ya mabao 6-3.

Mchezo huo ulioanza kwa kasi ya aina yake na kujaza mamia ya mashabiki, Timu ya Simba ndio ilianza kupata mabao mawili ya haraka haraka ambapo bao la kwanza liliingizwa dakika ya sita mwa mchezo kupitia kwa Wilfred Kadege na Robert Boniface akipiga bao la pili dakika ya nane na kupelekea mashabiki kujigawa kwa ushangiliaji.

Wachezaji wa Yanga walionekana kujawa makali zaidi na kuongeza kasi ya kupambana kuligusa lango la Simba ambapo dakika ya 25 Frank Shapi alifanikiwa kuipatia timu ya Yanga bao la kwanza ambapo hata hivyo kipigo kwao kiliendelezwa na Robert Boniphace aliyeiandikia timu yake ya Simba bao la Tatu dakika ya 34 hali iliyozidisha hasira za wana-Yanga hao ya kulisakama lango la Simba ambapo hata hivyo Frank Kamili alijifunga katika harakati za kuokoa na kuiandikia timu ya Yanga bao la pili dakika ya 39 hadi mapumziko.

Kipindi cha pili kilianza huku timu ya Simba ikionekana na mabadiliko ya hali ya juu na mashambulizi ya iana yake na dakika ya 68 Wilfred Kadege aliiandikia samba bao la nne na  Robert Boniphace kuandika bao la tano dakika ya 75 hali iliyonyamazisha kelele za mashabiki wa nje wa Yanga na shangwe za mashabiki wa samba zikitawala na kuzidi kuvuta umati wa watu kushuhudia mtanange huo.

Baada ya mabao hayo wachezaji wa Yanga walionekana dhahiri kujawa na ghadhabu na jazba za hapa na pale huku wengi wakikoswa koswa na kadi za mwamuzi Gasper Getto lakini dakika ya 78 Mrope Mrope alibahatisha bao la tatu kwa timu yake ya Yanga baada ya kupiga shuti lisilo na matumaini ya kupata bao na dakika ya 86 Frank Kamili alifunga wingu la mvua ya mabao kwa timu ya Simba, na kuleta matokeo ya 6-3 hadi hadi dakika 90 kutia nanga.

Wakizungumza na gazeti hili, Kaptein wa timu ya Mashabiki wa simba Arusha, Wilfred Kadege alisema kuwa wameamua kutumia week end hiyo kuwafunga mdomo mashabiki wa Yanga kwamba wao ndio wababe wa kandanda baada ya kuweka matambo mengi kwa mdomo hivyo wakaamua kuwaonesha kazi ya Simba uwanjani.

“Tumeamua kutumia jumapili hii kuwafunga mdomo hawa watani wetu maana wamekuwa wanatamba sana mdomoni hasa baada ya kufanikiwa kucheza Kamari ya ligi kuu na kuwa mabingwa lakini wajue kuwa hawatufikii kwa lolote kwani kama ni zawadi ya kucheza mpira tunawazidi baada ya kucheza mtani jembe na kombe la Zanzibar tumeingiza zaidi ya watakachopewa kwenye ligi kuu milioni 75 sisi tumeshinda mechi mbili tuna milioni 120.”alijitamba Kadege.

Kwa upande wa msemaji wa timu ya mashabiki wa Yanga, Joram George alisema kuwa ingawa mchezo huo wamepoteza lakini wanaamini Simba hawajawazidi kitu zaidi ya kubahatisha mchezo huo baada ya wachezaji wengi wa timu yake kuwa majeruhi ikiwemo mlinda mlango namba moja ambapo amesema ili kudhihirisha hilo wataomba mechi ya marudiano wadhihirishe ubabe wao wa ligi kuu.

“tumepoteza kwa bahati mbaya tu huu mchezo lakini sisi yanga ndio kila kitu na ndio maana wanatupigia saluti tukiingia uwanjani na huu mchezo wamebahatisha baada ya wachezaji wetu wengi kuwa majeruhi lakini tutaomba mchezo wa marudiano na ukweli utajitenga na uongo”

Kwa upande wake kocha wa timu ya mashabiki hao wa Yanga kwa ujumla waliounga umoja wao wa mwangaza maveterani, Patson Mambete alisema kuwa mchuano huo wa kirafiki ulilenga kutoa burudani ya aina yake lakini pia kumaliza ubishi wa kila siku wa ubabe wa watu wa Simba na Yanga hapa mkoani Arusha.

Mwisho……………………..

Arusha Ryno washindwa kuwatambia Mombasa SC nyumban

wachezaji wa Arusha ryno (Tanzania- kijani) wakiwania mpira uliorushwa pamoja na timu ya Mombasa sc

Timu ya Arusha Ryno ya Tanzania imeshindwa kutamba nyumbani mbele ya timu ya Mombasa SC ya Kenya, baada ya kulazwa kwa point 28-26 katika mchezo wa awali wa mfululizo wa mashindano ya Rugby yanayoshirikisha timu za nchi za Afrika mashariki.

Arusha Ryno ilishindwa kutamba katika uwanja wake wa nyumbani wa TGT ulioko kisongo jijini Arusha kwa mara ya kwanza mbele ya Mombasa katika michuano hiyo ya mchezo wa Rugby ya nchi za Afrika mashariki ijulikanayo kama “Hatch cup” iliyochezwa mapema mwishoni mwa wiki.

Timu ya Arusha ryno wakimiliki mpira

Akizungumza baada ya michuano hiyo, Kaptein wa timu ya Arusha Ryno, Justine Robert alisema kuwa tangu kuanza kwa mashindano hayo kwa zaidi ya miaka mitatu hawajawahi kufungwa na timu ya Mombasa lakini kwa leo hali hiyo imetokea hali inayowatia uchungu sana na kuahidi kufanya vizuri katika mechi ya marudiano.

“Kiukweli hatujawahi kufungwa na hawa jamaa lakini imetokea hivyo niahidi kwa sababu ni mechi ya awali na kuna marudiano tutafanya vema na tutaanza mazoezi makali kwa ajili ya kuwafunga mabingwa watetezi ambao ni “Dar-es-salaam Leopard” may 9 mwaka huu hivyo mashabiki wetu wasikate tama kwani kombe hili la “Hutch cup” linakuja Arusha”

Kwa upande wake kaptein wa timu ya Mombasa SC, Chris Atingo alisema kuwa wanayo furaha kwa mara ya kwanza kumfunga timu ya Arusha Ryno kwani kwa miaka kadhaa sasa wamekuwa vibonde mbele ya timu hiyo hali iliyowalazimu kufanya mazoezi ya usiku na mchana kuhakikisha wanakuwa mlima mkali.

“Leo tunayo furaha kumfunga Arusha kwani miaka kadhaa sasa wamekuwa wakitufunga hali ambayo imefikia sehem tukasema iwe mwisho na tukaamua kufanya mazoezi usiku na mchana na matunda ya mazoezi yetu tumeyaona na tutaendelea ili kumfunga pia dar- Leopard na Arusha tutakapomkaribisha nyumbani kwetu Mombasa hivyo karibuni na ninyi waandishi muone vibonde wamegeuka mlima” alisema Chris wakishangiliana na timu wenzake.

Aidha michuano hiyo ya mchezo wa Rugby inayohusisha nchi za Afrika mashariki kwa mwaka huu zimeshiriki timu tatu za Dar, Arusha na Mombasa yakiwa na malengo ya kuwafanya vijana chipukizi kuwaonesha mbinu za mchezo huo katika mashindano ili waweze kuiga na kuyatekeleza ili kushinda wanaposhiriki katika mashindano ya kimataifa ambapo timu za nchi hizi zimekubaliana kushirikiana kukuza mchezo huu.

timu ya vijana wadogo walioko chini ya mradi wa kukuza na kuendeleza mchezo wa Rugby Arusha wakichuana kabla ya mechi ya wakubwa ambapo hata hivyo vijana wa Pallot waliibuka bingwa chini ya young Ryno 24-10

Awali katika mchezo wa kuwakaribisha miamba hao wa Mombasa na Arusha, timu ya vijana wadogo chini ya umri wa miaka 15 walioko chini ya mradi wa kuendeleza mchezo wa Rugby Arusha (Arusha Rugby Development Programme- ARDP) waliminyana kati ya timu ya Pallot na “Young Ryno” ambapo hata hivyo pallot waliwabigiza wenzao kwa point 24-10.

Michuano hiyo ya Rugby Hutch cup imeanza imeanza mwanzoni mwa mwezi huu ambapo timu ya Mombasa SC waliwakaribisha mabingwa watetezi Dar- leopard ambapo miamba hiyo ilishindwa kutambiana na kutoka suluhu ya point 12- 12 ambapo wanatarajia kurudiana jijini Dar mwishoni mwa mwezi huu wa may.

Mwisho…………….

michael wapania kuvunja rekodi za riadha miaka 40 iliyopita

Bertha- Arusha

Wanariadha wa kimataifa Michael Gwandu na Michael Michael Danford wa Arusha wameanza mazoezi makali ya kuhakikisha wanavunja rekodi ya kitaifa za mbio fupi, ya kuruka chini na viunzi iliyodumu kwa zaidi ya miaka 40 sasa.

Wanariadha hao wanaojifua katika viwanja vya sheik amri abeid kwa kuruka viunzi na kuruka chini na mitupo wamesema kuwa wamekuwa mabingwa wa mchezo huo kwa miaka zaidi ya tano sasa hivyo kwa sasa mwaka huu wanajifua kwa ajili ya kuvunja rekodi ya taifa ya michezo hiyo.

“Sisi tunajinoa makali kwaajili ya kuvunja rekodi za kitaifa kwanza na baadae dunia katika mbio fupi, kuruka na mitupo ambapo mbali na kuwashinda wapinzani wetu wa mikoa mingine lakini pia ni kuvunja rekodi ya kitaifa zilizowahi kuwekwa ikiwemo ya kuruka chini iliyowekwa na Raphael Mlewa mwaka 1971”

Kwa upande wa kocha wa wanariadha hao Samweli Tupa alisema kuwa wanariadha hao wamekuwa wakichukua ubingwa wa mara kwa mara katika mashindano ya kitaifa na jumuiya ya madola lakini cha kushangaza wengi wameshindwa kuvunja rekodi zilizowekwa kipindi cha nyuma hali ambayo ameamua kuwanoa wachezaji wake wavunjerekodi hizo.

“Kuna rekodi zimewekwa miaka zaidi ya 40 sasa kama mirujko mitatu iliwekwa rekodi mwaka 1970 na John Kanondo na kuruka viunzi kwa mita 110 lakini cha kushangaza rekodi hizo hazijavunjwa licha ya kila siku kujisifia wachezaji wetu kufanya vizuri kwa kuwa wa kwanza wakati rekodi za miaka ya ukolono bado ipo”

alisema kuwa kwa sasa wanariadha hao mbali na kufanya mazoezi ya peke yao pia watashiriki katika mashindano mbali mbali ikiwemo ya may 25 ya kitaifa itakayochagua wachezaji watakaowakilisha nchi katika mashindano ya wazi ya Uganda mwezi june.

Hata hivyo kochaTupa aliiomba serikali kusaidia mchezo huo kama awali ili uweze kuendelea kurudi na medali nyingi na kuvunja rekodi za dunia kama awali na kusema kuwa Tanzania inashindwa kufanya vizuri kutokana na kukosekana kwa sapoti kutoka serikalini kama ilivyokwa nchi kama Kenya, Unganda, n.k.

mwisho…………….

GINIKI AZIDI KUNG'AA KITAIFA

Bertha Ismail  - Hanang’

Mwanariadha Emmanuel Giniki amezidi kung’ara katika mbio mbali mbali za hapa nchini, baada ya mwishoni mwa wiki hii kung’ara tena katika mbio za may day kwa kukata upepo wa km 21 kwa kutumia saa 1: 01:17 na kuwaacha wenzake zaidi ya 70.

Mbio hizo zilizofanyikia Katesh makao makuu ya wilayani hanang’ kwa ajili ya kuadhimisha sikukuu ya wafanyakazi, Giniki alifanikiwa kuwa wa kwanza kumaliza mbio hizo akifuatiwa na Msandiku Mohamed aliyemaliza kwa saa 1:03:18 na aliyeshika nafasi ya tatu ni Stephano Huche 1:03:21.

Kwa Upande wa wasichana Anjelina Tsere alifanikiwa kutwaa ushindi baada ya kumaliza mbio hizo za km 21 kwa kutumia saa 1 :16: 43 akifuatiwa kwa karibu na Rozalia Fabiano kwa kutumia saa 1:21;15 na Amina Mohamed akishika nafasi ya tatu kwa kutumia saa 1:21:43.

Mgeni rasmi katika mbio hizo ni aliyekuwa waziri mkuu zamani Fredrick Sumaye ambapo mbali na kupongeza uongozi wa riadha manyara na waandaji aliwataka kuendeleza mashindano ya mara kwa mar ili kuwaweka wanariadha katika hali ya kufanya mazoezi ya mara kwa mara na kufanikiwa kushinda mbio za kimataifa hatimaye kurudisha heshima ya mkoa huo katika historia riadha.

Kwa upande wa waandaji , Alfredo Shahanga alisema kuwa kwa sasa wameamua kuendesha mashindano ya mara kwa mara ya mchezo huo ili kuwaweka wachezaji sawa kupambana katika michuano ya kimataifa iliyoko mbele yao ikiwemo ya All afrika game hivyo waweze kujitathimini mapema.

Mwisho……………….

Mbulu wachekelea RCL

Bertha Ismail - Arusha

Chama cha soka wilaya ya Mbulu, Kimeipongeza shirikisho la Soka nchini kwa kutambua umuhimu wa wilaya hiyo kimichezo na kuwapa nafasi ya kuwa moja ya vituo vitatu vya michuano ya ligi ya mabingwa wa mikoa Tanzania inayotarajia kutimua vumbi may 2 mwaka huu.

Michuano hiyo ya RLC itashirikisha jumla ya timu 27 nchini katika vituo vitatu vya Mbulu (Manyara) , lindi na Sumbawanga ambapo kila kituo inatarajiwa kuwa na timu tisa ambapo kwa Mbulu kutakuwa na timu ya Madini (Arusha), alliance school (Mwanza), Bariadi united (Simiyu) zingine ni  Baruti (Mara), Lukirini fc (Geita), Mtwivila City (Iribga), RAS Kagera fc (Kagera) pamoja na Small Prison (Tanga) na Watumishi fc (Shinyanga).

Ugeni huo mkubwa umewapa motisha kubwa wakazi na viongozi wa soka wilaya ya Mbulu na kufurahia nafasi hiyo adimu huku wakitoa shukrani zao za dhati kwa shirikisho la soka Tanzania kwa kutambua mchango wao huku wakisema kutumia michuano hiyo kama mafunzo kwao.

“Kiukweli tumefurahi sana TFF kutuletea michuano hii kwani itakuwa kama fursa kwetu ya kujifunza nini wenzetu wanafanyaga na tujifunze kwa kuiga ili na sisi tusonge mbele kisoka kwani imekuwa ikituuma sana zaidi ya miaka 10 hatujaonja ligi kuu na miaka mitano hatujui ligi daraja la kwanza likoje” alisema katibu wa soka wilaya ya Mbulu Fortunatus Kalewa.

“Tunashukuru timu nyingi zimeshaweka oda ya sehemu za malazi na viwanja vya mazoezi ikiwemo timu ya madini fc ya Arusha hivyo naamini itakuwa fursa kwetu kuwaleta wachezaji wa timu mbali mbali za mkoani hapa kuja kuiba mbinu wanazotumia wenzetu katika mashindano hadi wanasonga mbele na kuwakilisha mikoa yao katika ligi za ngazi za juu”

Kituo hicho cha Mbulu mashindano ya ligi ya mabingwa wa mikoa inatarajiwa kuanza kutimua vumbi may 9 katika viwanja vya Nyerere wilayani mbulu mkoani Manyara ambao uko katika hali nzuri kimandhari na uzio ingawa majukwaa bado ni changamoto.

Mwisho………………….

wadau wasusa uongozi ADFA

Bertha Ismail – Arusha

Kamati huru ya uchaguzi wa uongozi mpya wa chama cha soka wilaya ya Arusha,  imefunga Rasmi pazia la uchukuaji fom wa kugombea nafasi mbali mbali katika chama hicho.

Zoezi la uchukuaji fom wa kugombea uongozi wa ADFA, ulianza rasmi April 15 na kufungwa mapema jana april 20 ambapo wadau wengi wa soka wameonekana kuogopa nafasi hizo zilizoachwa wazi na kupelekea idadi ndogo ya wagombea huku nafasi zingine zikikosa wagombea.

Awali wadau wengi jijini Arusha walionekana kutolea macho viti hivyo kabla tarehe ya uchaguzi kuanza lakini baada ya tarehe ya uchaguzi kutangazwa wengi wameonekana kukaa nyuma kutazama wachuaji fom bila kujishughulisha.

Akizungumza na gazeti hili, katibu wa kamati huru ya uchaguzi, Hussein Lembarity alisema kuwa nafasi zilizo wazi ni nafasi 10 ambazo kila mmoja ingefaa kuwa na wagombea watatu hadi watano lakini ambao ni zaidi ya watu 30 lakini anashangazwa na watu waliojitokeza ni watu 10 tu huku baadhi ya nafasi zikigombewa na mtu mmoja au wawili na zingine zikikosa kabisa wagombea.

“Mwanzo tulipochgauliwa tu watu wengi sana walijitokeza kuponda uongozi uliopo na kuahidi kuchukua fom za kupindua uongozi huu lakini baada ya kuanza kutoa fom watu wanachenga hali iliyopelekea nafasi zingine kukosa wagombea huku zingine zikiwa na mashaka ya kupita ila kwa sababu tumefunga pazia hilo hatuna budi kukubali matokeo na sasa ni nafasi ya kuweka pingamizi hadi april 24 kwa gharama ya 50,000”

Akitaja majina ya wagombea hao alisema kuwa nafasi ya mwenyekiti imegombewa na mtu mmoja ambae ni Omary Walii, makamu mwenyekiti mgombea mmoja Elisha Sironga huku nafasi ya katibu mkuu Zakayo Mjema akitetea nafasi yake na mpinzani ni Abdul Kondo na katibu msaidizi mgombea ni Athumani Juma na mweka hazina mmoja, Omary Kondo.

Kwa upande wa wajumbe wa mkutano mkuu wagombea ni Mwalizo Nassoro na Ayub Juma Kilabula huku nafasi ya uwakilishi wa vilabu akigombea mtu mmoja, Robert Munisi.

“Hao ndio wagombea na tumebandika majina hayo ukutani mwa uwanjan wa Sheik Amri Abeid kwa ajili ya watu kuleta pingamizi za wagombea hawa kama hawajatimiza sifa ya kugombea uongozi wa soka wilaya ikiwemo kuwa mkazi wa hapa jijini, elimu ya kidato cha nne, au kama hana uzoefu wa mpira wala taaluma ama aliwahi kuhukumiwa kwa kosa lolote”.

Uchaguzi huo wa ADFA unatarajiwa kufanyika mapema may 2 mwaka huu katika ukumbi wa viwanja vya Sheik Amri Abeid huku wajumbe na vilanu vyote vikitakiwa kulipa ada au kusajiliwa ili kuwa wajumbe halali wa mkutano huo na kupata kiongozi watakaempenda na kumwamini.

Mwishoo………………………

Taekwondo kufuana jumamosi

Bertha Ismail - Arusha

Vilabu  nane kutoka jijini Arusha zinatarajia kupimana uwezo katika mchezo wa Taekwondo katika ligi maalum  inayotarajiwa kutimua vumbi appril 25 mwaka huu katika viwanja vya Complex vilivyoko njiro jijini hapa kwa ajili ya kuchagua wachezaji watakaowakilisha mkoa katika mashindano ya kitaifa ya Mei mosi.

Vilabu vya Taekwondo vinavyojifua katika viwanja mbali mbali kwa ajili ya mashindano hayo ni pamoja na Tripple ‘A’, Naura, kili, Kijenge pamoja na Meru, Chishwea, M.S na AICC ambapo kila mchezaji anasaka nafasi ya kuchaguliwa kuunda timu ya mkoa itakayo wakilisha katika mashindano hayo ya mei mosi yatakayofanyika jijini hapa may 1 mwaka huu.

Akizungumza na gazeti hili, katibu mkuu wa shirikisho la mchezo wa Taekwondo Tanzania, Shija Shija alisema kuwa wametoa nafasi kwa vilabu mbali mbali kujiandaa na mashindano ya mei mosi itakayosaidia kuendelea kuwanoa wachezaji katika mashindano ya kitaifa baadae watakapokua wanachagua timu itakayowakilisha nchi kwenye mashindano ya Afrika hapo septemba kule Brazavile, Congo.

“Mashindano haya ni ya wazi kwa vilabu vyote Tanzania kushiriki ili kuwanoa zaidi wachezaji wao na tutaandaa mashindano mbali mbali kwa wachezaji kutoka ndani na nje ya nchi lengo ni kuwajenga wachezaji wetu kimashindano zaidi wazidi kuleta medali mbali mbali za kimataifa kama mashindano yaliyopita”

Mkurugenzi wa ufundi wa mchezo wa Taekwondo mkoa wa Arusha Richard Kitolo aliliambia gazeti hili kuwa wameandaa mashindano yao maalum ya ndani ili kuchagua wachezaji wazuri watakaoshiriki michuano ya mei mosi ambayo wao watatayatumia mashindano hayo  kuchagua timu ya mkoa itakayowakilisha katika mashindano ya kitaifa baadae.

“Sisi wenyewe tumeamua kuandaa mashindano yetu ya ndani kabla hayo ya mei mosi hayajafika ili kuanza mchujo wa wachezaji wenye uwezo mkubwa wa kupambana na mchujo wa pili tutaufanya kwenye mashindano hayo ya mei mosi kupata timu ya mkoa”

“Sisi mashindano haya kwetu ni mazuri na tutatumia kuchagua timu ya Mkoa,  lakini changamoto kubwa inayotukabili kwa sasa ni wachezaji wachache kutokana na wazazi kutoruhusu watoto wao kushiriki katika mchezo hasa wasichana hivyo tuwaombe wazazi wawaruhusu watoto kushiriki katika michezo kama hiyo kuwajenga kiakili na afya pia”

Mbulu wafurahia RCL

Chama cha soka wilaya ya Mbulu, Kimeipongeza shirikisho la Soka nchini kwa kutambua umuhimu wa wilaya hiyo kimichezo na kuwapa nafasi ya kuwa moja ya vituo vitatu vya michuano ya ligi ya mabingwa wa mikoa Tanzania inayotarajia kutimua vumbi may 2 mwaka huu.

Michuano hiyo ya RLC itashirikisha jumla ya timu 27 nchini katika vituo vitatu vya Mbulu (Manyara) , lindi na Sumbawanga ambapo kila kituo inatarajiwa kuwa na timu tisa ambapo kwa Mbulu kutakuwa na timu ya Madini (Arusha), alliance school (Mwanza), Bariadi united (Simiyu) zingine ni  Baruti (Mara), Lukirini fc (Geita), Mtwivila City (Iribga), RAS Kagera fc (Kagera) pamoja na Small Prison (Tanga) na Watumishi fc (Shinyanga).

Ugeni huo mkubwa umewapa motisha kubwa wakazi na viongozi wa soka wilaya ya Mbulu na kufurahia nafasi hiyo adimu huku wakitoa shukrani zao za dhati kwa shirikisho la soka Tanzania kwa kutambua mchango wao huku wakisema kutumia michuano hiyo kama mafunzo kwao.

“Kiukweli tumefurahi sana TFF kutuletea michuano hii kwani itakuwa kama fursa kwetu ya kujifunza nini wenzetu wanafanyaga na tujifunze kwa kuiga ili na sisi tusonge mbele kisoka kwani imekuwa ikituuma sana zaidi ya miaka 10 hatujaonja ligi kuu na miaka mitano hatujui ligi daraja la kwanza likoje” alisema katibu wa soka wilaya ya Mbulu Fortunatus Kalewa.

“Tunashukuru timu nyingi zimeshaweka oda ya sehemu za malazi na viwanja vya mazoezi ikiwemo timu ya madini fc ya Arusha hivyo naamini itakuwa fursa kwetu kuwaleta wachezaji wa timu mbali mbali za mkoani hapa kuja kuiba mbinu wanazotumia wenzetu katika mashindano hadi wanasonga mbele na kuwakilisha mikoa yao katika ligi za ngazi za juu”

Kituo hicho cha Mbulu mashindano ya ligi ya mabingwa wa mikoa inatarajiwa kufanyika katika viwanja vya Nyerere wilayani mbulu mkoani Manyara ambao uko katika hali nzuri kimandhari na uzio ingawa majukwaa bado ni changamoto.

Mwisho………………….

ndondo cup kutikisa Arusha Leo

Mkoani Arusha leo kunataraji kufanyika michuano ya NDONDO CUP itakayoshirikisha jumla ya timu nane kutoka mkoani hapa.


Lengo la michuano hiyo ni kuwakutanisha wapenda soka mkoa wa Arusha pamoja na kuwapa nafasi wa mashabiki wa mchezo huo Mkoani hapa kukutana sehemu moja.

Michuano hii itaanza kutimua vumbi siku ya Ijumaa ya tarehe 24/04/2015 na kufika tamati siku ya jumapili.
Mshindi wa kwanza katika michuano hii atapata zawadi ya fedha taslimu shilingi laki tano (500,000) pamoja na kikombe, mshindi wa pili atajipatia fedha taslimu shilingi laki tatu (300,000).

Timu zitakazoshiriki katika michuano ya NDONDO CUP 2015 ni FFU OLJORO, TANZANITE SPORTS FOUNDATION, RED STAR, TANZANITE VETERAN, LEMARA BOYS, NJIRO SPORTS, SMALL NYOTA na UMBRELA GARDEN.

Ratiba katikIMA MICHUANO HIYO NI KAMA IFUATAVYO


FFU OLJORO VS TANZANITE SPORTS CLUB, TANZANITE VETERAN VS RED STAR, LEMARA BOYS VS UMBRELA GARDEN, NJIRO SPORTS VS SMALL NYOTA
Michezo yote itapigwa siku ya ijumaa kwa mfumo wa bonanza na nusu fainali itakuwa siku ya jumamosi wakati mchezo ya fainali utapigwa siku ya jumapili.

Michuano hii itafanyika katika uwanja wa AICC uliopo karibu na round about ya KIJENGE. muda ni kuanzia saa 4 asubuhi mpaka 12 jioni.

Katika michuano hii kutakuwa pia na burudani toka kwa bingwa wa kucheza na baiskeli dunia (BMX CHAMPION) VICK GOMEZ, pamoja na wasanii wa Bongo flava akiwemo G NAKO, CHABA, KINGS, na mchekeshaji KATARINA.

kigogo wa simba UKAWA lanaswa ndani ya jengo la wana jangwani

MFUASI wa kundi la ‘Simba Ukawa’, wapinzani wa uongozi wa SImba SC chini ya Rais Evans Aveva, Hassan Msumari jana amenusurika kupigwa, baada ya kuvamia makao makuu ya klabu ya wapinzani, Yanga SC.
Msumari aliyewahi kuwa Mjumbe wa Kamati ya Utendaji ya Chama cha Soka Temeke (TEFA), aliingia makao ya Yanga SC, makutano ya mitaa ya Twiga na Jangwani wakati wa Mkutano na Waandishi wa Habari.
Hata hivyo, baadhi ya wanachama wakamshitukia na kumripoti, ndipo kundi la wanachama wachache wa klabu hiyo waliokuwapo klabuni lilipomvania kutaka kumpiga

Kulia Msumari anapandishwa kwenye karandinga, kushoto ameshapatiwa siti kwenye gari hilo

Hassan Msumari akitolewa na Polisi makao makuu ya Yanga SC mchana wa jana

Hata hivyo, busara ikatumika na kumuweka chini ya ulinzi kabla ya kupiga simu Polisi kumripoti. Baada ya dakika 20, Polisi walifika eneo la tukio na kumtia nguvuni Msumari na kuondoka naye kuelekea kiruo cha Polisi Msimbazi.
Katika maelezo yake ya awali wakati amepewa kibano na makomandoo wa Yanga SC, Msumari alisema kwamba aifika hapo kwa ajili ya kuwafuata Waandishi wa Habari ili azungumze nao.
Na akakiri ni mwanachama wa Simba mwenye kadi namba 4041 akitoka tawi la Tandika, na kwa sasa yeye ni Simba Ukawa, kikundi kinachoupinga uongozi uliopo madarakani.

Bunge la Tanzania laondoa adhabu ya kifo kwa wanaokutwa na dawa za kulevya

BUNGE limepitisha rasmi Muswada wa Sheria ya Udhibiti wa Dawa za Kulevya wa mwaka 2014, huku adhabu ya kifo kwa watakaokutwa na dawa hizo, ikishindikana kuingizwa kwenye muswada huo, isipokuwa mapapa na vigogo wa biashara hiyo, wameongezewa adhabu ya faini ya Sh bilioni moja na kifungo cha maisha.

Hata hivyo, baadhi ya wabunge bado wameendelea kung’ang’ania kuwa sheria hiyo ijumuishe adhabu hiyo kali ya kifo kwa wafanyabiashara, mapapa au vigogo wanofadhili biashara hiyo, kwa kuwa madhara ya dawa hizo ni makubwa na yanaathiri zaidi vijana ambao ni nguvukazi ya nchi.

Akitoa majumuisho ya michango ya wabunge kuhusu hoja ya muswada huo, Waziri wa Nchi, Ofisi ya Waziri Mkuu, Sera, Uratibu na Bunge, Jenista Mhagama, alisema adhabu ya kifo haiwezekani kuingizwa kwenye sheria hiyo, kwa kuwa adhabu hiyo nchini iko kwenye makosa mawili pekee.

“Ni kweli Tanzania ni miongoni mwa nchi ambazo bado zinatoa adhabu ya kifo, lakini kwa mujibu wa sera iliyopo, adhabu ya kifo imeingizwa na kubainishwa kwenye makosa ya uhaini na mauaji pekee,” alisema Mhagama.

Makamba aendeleza majibizano na Lowassa

"Hapo juzi Niliandika katika mitandao ya kijamii hasa nikizungumzia mchezo mchafu wa kisiasa unaofanywa na kambi ya ndugu EDWARD NGOYAI LOWASA. na nipende kurudia tena kuita kwamba anachoendelea kufanywa na edward lowasa kuwahadaa wananchi watanzania sasa aone kwamba tunatambua mbinu hizo chafu.\

Ndugu zangu watanzania baada yangu kuyasema haya edward ngoyai lowasa ameendelea kujitetea hasa akiandika katika ukurasa wake ya twiter na magazeti akisema amenipuuza sababu ya pili akisema mmi ni mchanga natakiwa niendelee kulelewa nikue, Naomba kumwambia lowasa udogo wangu mmi si katika Ukombozi wa maslahi ya Watanzania ila kama kweli Nitakuwa mchanga basi uchanga wangu nauona katika Kutokuwa mchafu, Mla rushwa, Mlaghai,Asiyewahadaa watanzania kwa mwamvuli wa dini,Lakini mwisho uchanga wangu ni kutowapikia ubwabwa washabiki wa siasa za Kumsafisha aliye mchafu.

Hayo niliyotaja tu ndio niko mchanga bado na kwa hayo edward ni mkongwe kupitiliza.
Mwisho namshauri edward aache maigizo na taifa hili watanzania wanahitaji kiongozi muadilifu na si anayewapa ubwabwa na kuwatumia basi kuja kwake wakiwa hawajashika tiketi za gari waliyosafiri nayo."
January Makamba.