CCM kujadili makada wake kuanza kampeni za urais mapema

 

Dar es Salaam. Kamati Kuu ya CCM (CC) inakutana Jumamosi wiki hii huku mambo muhimu sita yakitarajiwa kujadiliwa, likiwamo suala la makada wa chama hicho waliopewa adhabu ya onyo kali kwa kuanza kampeni za urais mapema na ukiukaji wa maadili.


Taarifa kwa vyombo vya habari iliyotolewa jana na Katibu wa Itikadi na Uenezi wa CCM, Nape Nnauye, licha ya kutoeleza ajenda za kikao hicho, ilisema kitafanyika jijini Dar es Salaam na kuongozwa na mwenyekiti wake, Rais Jakaya Kikwete kuanzia saa 4 asubuhi.


Kikao hicho kinafanyika wakati upepo wa kisiasa ndani ya chama hicho ukiwa haujatulia huku kukiwapo masuala mazito ya kitaifa yanayotikisa medani za kisiasa, likiwamo suala la uandikishaji wapiga kura, maandalizi ya kura ya maoni za kupitisha Katiba Inayopendekezwa na maandalizi ya Uchaguzi Mkuu wa Oktoba, ambayo yameelezwa na wachambuzi wa siasa kuwa hayawezi kukwepeka katika kikao hicho.


Adhabu kwa wagombea
Itakumbukwa kuwa kikao hicho kitafanyika ikiwa ni siku 10 baada ya kukamilika tarehe ya mwisho ya adhabu kwa makada sita wa CCM, waliokuwa wakitumikia adhabu ya miezi 12 kwa ukiukwaji wa maadili kwenye mchakato wa kutaka kuteuliwa na CCM kugombea urais.


Kikao kilichopita cha CC kilichoketi Januari 13, mwaka huu kilibainisha kuwa baada ya muda wa adhabu zao kuisha, Kamati Kuu ingefanya tathimini kuona iwapo wagombea hao walizingatia masharti ya adhabu zao na endapo kungekuwa na ambao hawakuzingatia masharti adhabu zao zingeongezwa.


Wiki iliyopita, Nnauye alithibitisha kuwa muda wa adhabu hiyo ulikuwa ukingoni na kuwa viongozi hao wangefanyiwa tathmini na kamati ndogo ya maadili ili kubaini iwapo adhabu hiyo ilitekelezwa ipasavyo.


Makada waliokuwa wakitumikia adhabu hiyo ni Waziri Mkuu wa zamani, Edward Lowassa, Waziri wa Mambo ya Nje na Ushirikiano wa Kimataifa, Bernard Membe na Waziri mkuu mstaafu, Frederick Sumaye.


Wengine ni Naibu Waziri wa Mawasiliano, Sayansi na Teknolojia, January Makamba, Waziri wa Kilimo na Ushirika, Stephen Wasira na Mbunge wa Sengerema, William Ngeleja.


Kikao hicho huenda pia kikazungumzia mwenendo wa uandikishaji wa wapiga kura katika Daftari la Kudumu kwa kutumia teknolojia ya alama za vidole (BVR), iliyozinduliwa jana na Waziri Mkuu, Mizengo Pinda.


CCM, ni miongoni mwa vyama vya siasa nchini vinavyoungana na vyama vinavyounda Umoja ya Katiba ya Wananchi (Ukawa), kuhoji mara kwa mara ufanisi wa mfumo wa BVR katika kuandikisha wapigakura kutokana na historia yake isiyoridhisha.


Wachambuzi
Mchambuzi wa masuala ya kisiasa nchini, Dk Benson Bana wa Chuo Kikuu cha Dar es Salaam, alisema anaamini CC itajadili pamoja na mambo mengine, matokeo ya Kamati ya ndogo ya maadili inayoongozwa na Makamu Mwenyekiti wa Chama hicho, Philip Mangula, iliyojadili suala la wagombea na kashfa ya Tegeta Escrow.


Dk Bana alitolea mfano suala la kashfa ya ufisadi katika Akaunti ya Escrow kuwa ni suala mbalo CCM wanaweza wakaamua kulibeba kama hoja na kuyapeleka kwa ajili ya kujadiliwa na kikao hicho kikubwa cha chama.


“Hili suala la ufisadi wa Tegeta Escrow ni ‘critical issue’, ni muhimu kwa chama chao kulijadili na kuja na majibu ya maswali yanayowasumbua wananchi wengi, hasa ukizingatia kuwa suala hilo lilikitikisa sana chama hicho,” alisema Dk Bana.


Alisema jambo lingine linaloweza kuchukuliwa kama ajenda katika kikao hicho na kuamua kulijadili ni wale wanachama wake waliojitangaza kugombea urais na ambao waliopewa adhabu ya mwaka mmoja ambapo anasema wanaweza kutaka kufanya mapitio, kama walitekeleza maagizo


“Vile vile wanaweza kuangalia kalenda ya uchaguzi ya chama chao na wajadili na kupendekeza utaratibu wa jinsi ya kuwapata wagombea wao…vile vile lipo suala la hali ya siasa nchini, hali imebadilika, upepo hauvumi kuelekea CCM,” alisema.


Aliongeza kuwa masuala mengine wanayoweza kujadili ni matukio ya kutisha na yasiyo ya kawaida yanayojitokeza nchini kama vile matukio ya kutekwa kwa watu na kuteswa, kuibuka kwa panya road na mengine yanayofanana na hayo ambayo anasema ni ukweli ulio wazi kuwa matukio hayo yanaashiria kuvurugika kwa amani na utulivu wa nchi.


“Matukio mengi yasiyo ya kawaida yameibuka hivi karibuni, mfano suala la vijana wa JKT nao wanaandamana wanataka ajira, lakini kila mtu anajua kuwa wale vijana wanajulikana wanafundishwa kujenga nidhamu, sasa wanaandamana, kunaonekana lipo tatizo nchini. Yote haya hayaleti mwelekeo mwema kwa jamii,” alisema.


Aliongeza kuwa, “tuhuma nzito zinazowakabili wanachama wake wanajua madhara yake na wanajaribu kutaka kuyarekebisha ili kurejesha ushindi ambao kwa kweli unaonekana kuwaendea vibaya. Haya yote yanaweza kuwasukuma kuitisha vikao nyeti kama hivi na kujadili mustakabali wa chama chao ili waendelee kupata ushindi wa kishindo.


Alisema kitu kingine muhimu ambacho hawawezi kukikwepa kukijadili ni pigo walilolipata katika chaguzi za serikali za mitaa, ambapo chama hicho kilionekana kupata anguko kubwa kuliko matarajio.


Mengine aliyosema yanawezwa yakawa ajenda katika kikao hicho ni pamoja na kura ya maoni ya Katiba iliyopangwa kufanyika Aprili 30, mwaka huu, muda anaosema hata wana CCM wenyewe wanajua kuwa hautoshi.


Mhadhiri mwingine wa Chuo Kikuu cha Dar es Salaam, Richard Mbunda alisema kubwa ambalo CCM linalowahangaisha na ambalo kwa namna yoyote huenda likawa miongoni mwa ajenda katika kikao chao ni kuleta utulivu wa ndani ya chama na kumjua mwanaCCM atakayepeperusha bendera yao.


“Nadhani hata wale wanachama wake sita waliopewa adhabu bado hawajaelezewa kama adhabu zao zimekwisha. Ingawa muda wa adhabu umekwisha, lakini hawajaelezwa hatma yao, kwa hiyo hili ni jambo muhimu ambalo hawawezi kuliacha.


Mbunda alisema jambo lingine muhimu kabisa ambalo huenda itapewa uzito ni hili la kumpata mgombea anayekubalika katika jamii na ambaye ataweza kupeperusha vyema bendera ya chama na kukubalika na makundi yote.


“CCM waliozoea kuwa hakuna sababu ya kuangalia ni mgombea gani anayekubalika na jamii kwa imani kuwa wakisimamisha yeyote atapita, hali ya sasa kwa namna yoyote lazima waweke mtu anayekubalika katika jamii na hii ni ajenda kubwa inayohitaji mjadala mpana.


“Na ile tabia ya kutengeneza mazingira fulani awepo na huyu asiyepo, lazima waichukulie kwa uangalifu,” alisema Mbunda.


Mbunda alisema jambo lingine ni suala la kura ya maoni ya Katiba, ambalo pia ni suala nyeti na muhimu kwa CCM na kuwa wanapaswa wajipange vyema endapo wanataka Katiba waliyoipendekeza ipite

.MWANANCHI

Taekwondo kusaka vipaji mashuleni

Arusha

Chama cha Taekwondo mkoa wa Arusha imeamua kuingia katika shule za sekondari kusaka vipaji vipya vya mchezo huo lengo ikiwa ni kuongeza nguvu na kasi ya mchezo huo mkoani hapa ikiwa na maandalizi ya mapema ya timu bora itakayowakilisha nchi kwenye mashindano ya Olimpic hapo baadae.

Akizungumza na gazeti hili kocha wa timu ya Taekwondo Arusha Richard Kitolo alisema kuwa wamefikia hatua hiyo baada ya kuona mchezo huo unadumaa mkoani hapa kutokana na kukosekana kwa vipaji vipya vya vijana wenye vipaji na mchezo huo.

“Tumeamu kuingia mashuleni kutafuta vipaji vipya vya mchezo wa Taekwondo ikiwa ni kama maandalizi ya kushinda mashindano ya olilpiki hapo baadae hivyo kutokana na kukosekana kwa vipaji vipya tumeingia mashuleni na tumeanza na shule ya sekondari Braeburn na edmundi rise”

Kocha huyo ambae ni mmiliki wa Club ya Triple A’ taekwondo alisema kuwa wamekuwa na uhaba mkubwa wa wachezaji wa mchezo huo hasa mkoani Arusha hivyo wameamua kutafuta wenyewe katika shule za sekondari kote mkoani hapa wakisaidiana na walimu mbalimbali lengo ikiwa ni kufanya makali ya mchezo huo kutisha kimatifa hapo baadea

‘Unajua kwa sasa wanafunzi wa shule za sekondari ndio wenye uwezo mkubwa wa kuonyesha uwezo wa vipaji vyao hivyo tumeamua kujikita huko na tunaomba walimu waturuhusu kuwafundisha wanafunzi wao mchezo huo kwani mbali na mazoezi ya kujilinda lakini pia inawafanya wawe na akili kutokana na mazoezi pia tunawafundisha nidhamu”

Alitumia fursa hiyo kuwaomba wazazi wa wananfunzi hao kuwaruhusu kutoa mazoezi hayo mda wa jioni kwa watoto wao kwani mbali na kuwa na uwezo wa kujilinda lakini pia itawasaidia watoto wao kupata ajira hapo baadae endapo watafanya vizuri

mwishooooo

badala ya Singida, TFF yahamishia mkutano Morogoro

Kamati ya Utendaji ya Shrikisho la Mpira wa Miguu nchini -TFF iliyokutana jumapili Februari 22 mwaka huu, imefanya mabadiliko ya mahali utakaofanyika Mkutano Mkuu wa mwaka kutoka Mkoa wa Sinigida na kuhamishia mkoa wa Morogoro.

Hatua hiyo imefikiwa na Kamati ya Utendaji kutokana na sababu za kutokukamilika kwa miundombinu ya mkutano mkuu na kuwepo ka shughuli nyingine za kijamii mkoani humo.

Kamati ya Utendaji inamshukuru Mwenyekiti wa Chama cha Mpira wa Miguu mkoa wa Singida (SIREFA), na uongozi mzima kwa kujitolea kuandaa mkutano huo na huko nyuma waliweza kuandaa mkutano wa makatibu wa vyama vya soka vya mikoa.

TFF itaandaa vikao na matukio mengine mkoani Singida itakapotokea hapo baadae, tarehe ya mkutano mkuu itaendelea kubakia ile ile ya Machi 14, 15 mwaka huu

Ngorongoro waitaka uchaguzi wa soka toka TFF

Halmashauri ya wilaya ya Ngorongoro imetupia lawama Chama cha soka mkoa wa Arusha (ARFA) kukataa kuruhusu wilaya hiyo kushiriki kwenye mashindano ya ligi kwa madai ya kutokutambua uongozi wa soka.

Akizungumza na gazeti hili Afisa utamaduni na michezo wa wilaya hiyo Bakari Gaima alisema kuwa wamekuwa na kiu kubwa ya kushiriki ligi za taifa ili kuonyesha uwezo wao katika kusakata soka lakini wamekuwa wakinyimwa haki hiyo na uongozi wa chama cha soka mkoa.

“Jamani ninyi mlioko karibu na mjini tusaidieni huku sisi tunanyimwa haki zetu za kucheza mpira na kila tukitaka tushiriki ligi kwa kuandaa timu bingwa wa wilaya yetu anakataliwa kwa madai kuwa sisi hatuna hatuna chama sasa tunachoshindwa kuelewa ni chama kipi hicho wakati tuna uongozi??”

“Mwanzo Katibu wa soka mkoa alisema kuwa wilaya yetu hatuwezi kushiriki ligi kwa sababu hatuna uongozi hivyo tukaamua kufanya uchaguzi wa kuwachagua viongozi wetu wa soka na tukafanya ligi ya wilaya lakini tulipopeleka jina mwaka jana tukaambiwa uongozi wetu ni batili kwa kuwa hatujazingatia kanuni za katiba mpya zilizotolewa na TFF”

“Hata hivyo tukaamua kutaka ujua kanuni mpya za TFF tukaambiwa kuwa katibu huyo atakuja kutuletea katiba hiyo na kuisoma tuielewe na kuzindua chama cha soka ambayo hiyo itakuwa tiketi ya sisi Ngorongoro kushiriki ligi lakini unaambiwa hadi leo hakuna kilichofanyika hadi leo na bado tunaambiwa hatuna sifa”

“Mwaka jana kabla ya ligi ya mkoa kuanza tulikwenda hadi mjini ambayo ni zaidi ya kilimeta 430 kufuata hiyo katiba mpya maana tunaona tunacheleweshwa kushiriki ligi lengo ni tufuate taratibu hizo tufanye uchaguzi na bingwa wetu wa wilaya akachuane mkoani lakini cha kushangaza chama cha soka mkoa ulitunyima katiba hiyo kwa madai watakuja wenyewe hadi leo hatujawaona, jamani mbona mnatutenga?? Alilalama Afisa michezo Gaima.

Alisema kuwa mabingwa hao wa wilaya ilishindikana kushiriki ligi hiyo hadi leo wanasubiri huku ligi ya mkoa imefikia hatua ya sita bora huku wakilalama kuwa wamekuwa wakitengwa tangu kuanzishwa kwa wilaya hiyo kwani hata mashindano ya copacocacola walitakiwa kuandaa timu lakini wakashindwa kupewa taarifa ni lini kuleta timu hiyo kucheza hadi mda ukapita.

Kwa upande wake katibu wa soka mkoa wa Arusha Adam Brown alikanusha kuwatenga kisoka wilaya hiyo huku akisema kuwa mfuko wa mkoa kwa sasa hauna fedha hivyo wanasubiri hadi ipatikane wapate kwenda kuzindua chama hicho na kuwasomea katiba mpya ya Shirikisho la soka.

“Unajua wilaya ile iko mbali ndio maana unashindwa kwenda bila kuwa na pesa hivyo tunajipanga kama hela ikipatikana tutakwenda na sio kweli kwamba tunawatenga ila tumewaambia hawawezi kushiriki ligi bila kuwa na chama kinachotambulika na TFF na kama wakikamilisha hilo Afisa michezo ataitisha kamati na kufanya uchaguzi” alisema Brown.

maafisa ugani wa Arusha na Manyara wapewa mafunzo ya kilimo na ufugaji

SHIRIKA la Mpango wa Chakula Duniani(WFP), limeanza kutoa mafunzo kwa
maafisa ugani katika mikoa ya Manyara na Arusha kukabili mabadiliko ya
tabia ya nchi yanayosababisha athari kubwa ya kukumbwa na ukame kwa
wakulima na wafugaji.
Akizungumza wakati wa mafunzo hayo yanayofanyika kwa siku tano jijini
hapa, afisa mwandamizi wa WFP,Juvenali Kisanga ,alisema mafunzo hayo
yatawapatia mbinu mbadala  ya kupangilia kilimo chao hasa katika
maeneo yaliyoathiriwa na ukame.
Alisema kwa mujibu wa tarifa zilizotolewa na wataalamu wa hali ya hewa
hapa nchini, zinadai kuwa huenda mwaka huu kukawa na uhaba wa
mvua,hivyo aliongeza kuwa hatua ya kutoa mafunzo hayo itasaidai kwa
maafisa ugani kutoa elimu kwa wakulima waweze kukabiliana na hali
hiyo.
Alisema mpango wa kukabiliana na mabadiliko ya tabia ya nchi ni wa
miaka mitatu na kwamba nchi mbili za Malawi na Tanzania duniani
ziliteuliwa kwa majaribio.
''Huu mpango wa kukabiliana na mabadiliko ya tabia ya nchi ni mpango
wa miaka mitatu ambao umeanza tangu mwaka jana na utaendelea hadi
2016,na unalenga kufanya majaribio kwa wakulima na wafugaji katika
maeneo yenye ukame.
Kwa upande wake afisa kilimo umwagiliaji na ushirika wilaya ya
Longido,Edward Kasiga alisema mafunzo hayo ni jitihada za kuondoa
changamoto ya ukame iliyopo katika wilaya ya Longido.
Aliongeza kuwa  katika kipindi cha nyuma wananchi waliathirika kwa
idadi kubw aya mifugo yao  kufa kwa njaa ,na rais Kikwete alisaidia
kugawa mifugo kwa wafugaji na chakula zaidi ya tani 3500 kwa wananchi
hao.
Alisema kwa kupitia maafisa ugani elimu ya kukabiliana na mabadiliko
ya nchi itawafikia wakulima na wafugaji na lengo ni kusambaza elimu
hiyo kwa wakulima wote katika maeneo ya majaribio

soka la Wanawake Arusha wataka uchaguzi

Wadau wa soka la wanawake mkoani Arusha waiomba shirikisho la soka nchini TFF kuwasaidia kufanikisha uchaguzi wa chama hicho ambao umekuwa ukisua sua zaidi ya miaka 10 hali ambayo  inadidimiza kiwango cha mchezo huo mkoani hapa.

Aidha wenye dhamana ya kuhakikisha uchaguzi huo unakamilika mkoani ni chama cha soka mkoani Arusha ARFA umekuwa ukipiga danadana uchaguzi huo tangu mwaka juzi huku mashindano ya kitaifa ya wanawake yakifanyika chini ya ARFA ikiwemo fedha kwaajili ya mashindano hayo.

Kwa upande wake kaimu katibu wa chama hicho Pili Bonye alisema soka la wanawake Arusha linazidi kudumaa tofauti na mwanzo ilivyoanzishwa na hii inatokana na kutokuwa na uongozi halali kwani wao wanaokaim hawana sauti ya maamuzi juu ya utendaji wa maendeleo ya chama.

“Kutokana na tunaona hakuna mikakati yoyote ya kufanya uchaguzi kwa hapa Arusha tunaomba shirikisho la soka nchini kutusaidia kufanikisha hilo kwani tunaumia sana tunaposhindwa kufanikisha baadhi ya mikakati ya kuimarisha soka ka wanawake wakati kuna timu nyingi sana Arusha zaidi ya 10”

Soka hilo la wanawake linaloongozwa na Samweli Mpenzu (ambae ni mwanaume), pili alisema kuwa si haki chama hicho kiongozwe na wanaume wakati wanawake wapo hali ambayo inasababisha migongano kipindi cha mashindano kutokana na kukosekana maandalizi na kupelekea mwisho wa siku kubatiza moja ya tim za taasisi kuwa kama timu ya mkoa.

“huwezi amini mashindano yote tunayofanyaga ambayo wanawake wanahusishwa huwa tunachukua timu ya Testmony wakati ilitakiwa tuchague wachezaji wazuri kutoka timu mbali mbali katika wilaya zetu lakini hilo halifanyiki kwani hatuna hata chama cha mkoa licha ya wilayani na sisi tunaokaim hatuna sauti za utekelezaji ndio maana hata mashindano mengi tuko kama wasindikizaji tu hatufaidi zawadi”

Alisema kuwa anaishangaa TFF wanawake taifa kwa kutokujali ushiriki wa Arusha katika mikutano mikuu ya kitaifa, kwani wamekuwa na vikao na uchaguzi lakini wahana wawakilishi hivyo sasa wanataka kuwa miongoni mwa wajumbe, na kuwataka wasikilize kilio chao na mwezi march mwaka huu uchaguzi ufanyike.

Kwa upande wake kocha wa timu ya wanawake Arusha Geofrey Mrope alisema kuwa chama hicho kutokuwa na uongozi kunazidi kudidimiza soka la wanawake mkoani hapa hasa kutokana na kukosekana kwa mikakati ya kuliboresha

“Unajua hapa Arusha nimefundisha timu nyingi za wanawake na kuna vipaji vingi sana vya mpira tatizo hakuna uhamasishaji wala mikakati ya kuendeleza ikiwemo maandalizi ya kushiriki katika michuano mbalimbali huwa hakuna maandalizi na viongozi waliopo ukiwauliza hawana majibu ya moja moja nah ii imepelekea hata taifa cup tuishie mzunguko wa pili.”

Kwa upande wake katibu wa soka mkoa wa Arusha ambae ndie mwenye dhamana ya kuhakikisha chama hicho kinakuwepo alisema kuwa wanashindwa kufanya uchaguzi kutokana na kukosekana kwa wanawake wenye muamko na mchezo huo.

Mwisho……

polisi Arusha adaiwa kuvunja mwananchi mkono

mkazi wa Loksale Samweli Shani 47,akiwa amefungwa POP baada ya kuvunjwa
mikono yake na polisi,kushoto ni ndugu yake Gabriel Shani akionyesha picha

za Xray alizopigwa zikionyesha jinsi mikono ilivyovunika 

 

 

MKAZI wa Loksale wilaya ya Monduli,Samwel Petro Shani(47)amelalamikia
hatua ya kuvunjwa mikono yake miwili kwa kipigo cha askari polisi
katika kituo cha Leskale kwa madai ya kushindwa kulipa deni ya
shilingi 250,000 alizokuwa akidaiwa ana mfanyabiashara wa eneo hilo.
Aidha anawatuhumi askari hao kukodiwa na mfanyabiashara mmoja mkazi wa
eneo hilo kwa lengo la kumshikisha adabu baada ya mkazi huyo kushindwa
kulipa deni la sh,250,000 alizokuwa akidaiwa na mfanyabiashara huyo.
Samweli ameeleza kupokea kipigo hicho ambapo alidai kuwa dhamira ya
askari hao ilikuwa ni kumtoa uhai wake kwani walikuwa wakitumia chuma
kinene kumpiga na kumvunja mikono yake miwili huku mwingine alikuwa
akimshambulia kwa runngu na mateke.
Akizungumza kwa majonzi na gazeti hili jijini hapa,alieleza kuteswa na
askari hao wanaodaiwa kukodiwa na mfanyabiashara aliyemtaja kwa jina
moja la bi Shamimu,ambaye alikuwa akimdai kiasi hicho cha fedha.
Alieleza kuwa tukio hilo lilitokea februali 6,mwaka huu majira ya saa
3 usiku na kwamba aliwatambua askari wawili waliomtesa kwa kipigo kuwa
ni Steven na Justini wote ni askari wa kituo hicho cha Loksale.
''Mnamo tarehe 6 mwezi huu majira ya saa 3 usiku,walikuja askari
wawili wakiwa wamevaa nguo za kiraia ,walinikuta nimekaa kwenye ukuta
nikiwa na kijana mmoja,walinikamata na kunifunga pingu wakiwa
wamenikandamizia chini ,walinipiga sana na kunivunja mikono yangu
miwili''alisema Samweli
Akisimulia chanzo cha tukio  hilo alisema ,mfanyabishara bi Shamimu
alienda katika kituo hicho cha polisi na kuwaeleza askari hao kuwa
alikuwa akinidai shilingi 250,000 na kwamba sikuwa nimemlipa deni
hilo.
''Ni kweli Shamimu alikuwa akinidai shilingi 250,000 ila nilisha mlipa
shilingi laki moja na kubaki sh,150,000 ,hizo hela kuna msichana
nilimdhamini alikuwa mfanyakazi wa duka lake aliyedai alimwibia ,ndipo
mimi kwa kuwa nilikuwa na mahusiano na msichana huyo nilikubali
kulilipa deni hilo''alisema Samweli
Alisema askari hao walimvamia na kumkaba kabali kisha askari mmoja
alimfunga pingu na kuanza kumshambulia kwa kumpiga na rungu na chuma
na walipoona wamepoteza fahamu baada ya kumvunja mikono walimkokota
hadi kituo cha polisi na kuendelea kumpigasehemu zingine za mwili
ikiwemo miguuni.
''baadae usiku wakiwa wamenifungia lokapu alikuja mkuu wa kituo na
kuniangalia ,alikuta hali yangu ni mbaya na kuondoka bila kusema
lolote''alisema.
Hata hivyo askari hao waliingiwa na woga kutokana na hali yake na
kuamua kumchukua usiku huo wa manane na kumpeleka katika kituo cha
afya kwa ajili ya matibabu.
Alieleza kuwa kesho yake askari hao walimchukua na kumpeleka kituo cha
polisi wilaya ya Monduli na kumwoka lokapu.Aliongeza kuwa mkuu wa
upelelezi wa wilaya OC CID,aliyemtaja kwa jina moja la bw Abichi
alimfuata akiwa lokapu na kumwambia kuwa anataka ampatie dhamana ila
alitakiwa akibaliane na masharti ya dhamana .
''oc cid aliniambia kuwa nataka nikupatie dhamana ila kwenye maelezo
yako unatakiwa ueleze kuwa ulikuwa unatoroka ulinzi halali wa polisi
ukiwa na pingu ,na wakati ukikimbia ulianguaka na pingu zikakuvunja
mikono yako ''alisema bw Shani.
Aliongeza kuwa hakukubaliana na kauli hiyo ndipo oc cid alipoamua
kumrudisha lokapu ,ambapo alikaa kwa muda wa siku nne wakimbembeleza
akubaliane na maelezo ya polisi .
Alisema kuwa aliamua kuwa na msimamo huo ,hadi tarehe 12 walipoamua
kumfikisha mahakama ya wilaya ambapo alisomewa shtaka ,la kuvunja na
kuiba na kujaribu kutoroka polisi akiwa na pingu ,suala ambalo ni
uongo uliolenga kupoteza haki yake ya kulalamikia jeshi hilo.
Kamanda wa polisi mkoani hapa alipotafutwa alikiri kupata malalamiko
ya mkazi huyo ,hata hivyo alieleza kuwa kwa sasa yupo likizo ila
aliwasiliana na mkuu wa kituo cha polisi Monduli(OCD)ili kupata undani
wa tukio hilo.
Kwa upande wa mfanyabiashara ,Shamimu alipotafutwa kupitia simu yake
ya mkononi alikana kukodisha askari wa kumpiga na kumvunja mkono
mlalamikaji ila alieleza kuwa yeye alienda kituoni hapo kupeleka
malalamiko yake ,ndipo askari hao walipoamua kumfuata mtuhumiwa na
kwamba kilichotokea huko yeye hafahamu.

KIONGOZI WA UGAIDI ANAEUA POLISI AJITAMBULISHA HADHARANI

Stori:Waandishi wetu/Ijumaa
HATIMAYE kuvamiwa kwa vituo vya polisi na kuporwa silaha huku askari wake wakiuawa kikatili kumejulikana kunafanywa na nani kufuatia gazeti hili kunasa mkanda wa video wa mtu mmoja anayejiita Kaisi Bin Abdullah akijitapa kufanya hivyo kwa lengo la kukusanya silaha ili kulipa kisasi siku si nyingi!
Ijumaa liliunasa mkanda huo kutoka kwa mtu mmoja aliyekataa kujitambulisha kwa jina wala kusema anakotokea hapa nchini huku akisema: “Una maneno ya hatari sana, naogopa kujianika, nitauawa.”








Kaisi Bin Abdullah akiwa amejiziba sura.

“Siwezi kutaja jina wala mahali ninapoishi, sitaki kupigwa picha, kama hamtaki niwapatie taarifa hii acheni niondoke,” alisema mtu huyo huku akinyanyuka kitini jambo lililowafanya wakuu wa dawati kukubaliana na matakwa yake na kuendelea na mahojiano.
Baadaye ilipatikana fursa ya kuuangalia mkanda huo; Bin Abdullah ametumia dakika 11: 03 kuzungumzia mambo mbalimbali lakini kubwa kuliko yote ni kuliponda Jeshi la Polisi Tanzania kwa kuwakamata wenzao katika imani na harakati (zinazohifadhiwa kwa sasa) na kuwashikilia kwenye mahabusu mbalimbali nchini.


ALIANZA KWA KUSEMA
Bin Abullah ambaye kwenye mkanda huo amevaa nguo nyeusi kama ninja na miwani ya giza, alizungumza kwa kirefu, akitoa wito lakini mbele akasema:
“Tumeshaungana ili kupambana. Mkoa wa Mtwara zaidi ya wenzetu kumi na saba walikamatwa kwa makosa ya dhuluma, makosa ya kupanga, makosa ya ugaidi. Ishirini na moja wamekamatwa Zanzibar wako katika Gereza la Segerea (Dar). Wenzetu wengine kumi na nane wamekamatwa Mwanza wako katika Gereza la Kisongo, Arusha. Ndugu zangu, wenzetu wengine kumi na saba wameuawa Mtwara kwa amri ya ...(anamtaja waziri).”
ADAI WAMECHOKA NA SUBIRA
“Subira yetu imefika mwisho na tulichokuwa tunasubiri Mungu ameshatupa. Tunatoa ahadi kilichopo hivi sasa tunatoboa jahazi wote tuzame.”
WENZAO WAACHIWE HURU
“Tunatoa rai, wenzetu waliopo Gereza la Kisongo waachiwe huru. Hapa hatumtishi mtu yeyote yule.”
KUHUSU VITUO VYA POLISI
“Pili, agizo la Ernest Mangu IGP, umetangaza uliwenguni kwamba umewakamata wote waliovamia vituo vya polisi na umezikamata silaha zote. Ukweli ni kwamba unatetea tumbo lako. Hakuna mtu hata mmoja aliyekamatwa na wala silaha hazijakamatwa.
“Mungu ametukubali. Katika Kituo cha Polisi Ushirombo (Kilimanjaro) tumeweza kuvamia kituo, tukaweza kutoa roho za polisi na tukaweza kuchukua silaha, tunazo.“Tumevamia Kituo cha Polisi Ikwiriri (Pwani), tumeweza kuchukua silaha za kutosha, tumeweza kuchukua mabomu ya kutosha. Tunazo silaha tunasubiri muda zianze kufanya kazi.
“Ernest Mangu nakupa changamogto, hivi sasa tuna uwezo...(maneno yanahifadhiwa kwa usalama) wakati wowote ambao tunataka.”
HAKUNA UPINZANI?
“Tumeweza kuchukua silaha bila kuwa na silaha yoyote. Ndugu zetu wa Tanga wameweza kuchukua silaha wakiwa hawana silaha yoyote. Ikwiriri tumechukua silaha tukiwa hatuna silaha yoyote, mpaka sasa tumeshachukua roho tano za polisi.”
VITISHO VYA JUMLA
“Ndugu zangu, ...mlikuwa mkinisubiri nitoe tamko, natoa kauli rasmi...” alihitimisha Abdullah, huku vitisho vya jumla kwenye tamko lake vikiwahusu polisi, viongozi wa ngazi za juu serikalini pamoja na mikusanyiko ya ibada.


TAMKO NGUNGURI LA IGP
Baada ya video hiyo, Ijumaa lilimuibukia Mkuu wa Jeshi la Polisi Tanzania, IGP Ernest Mangu na kuzungumza naye kuhusu mtu huyo na kumkabidhi video ambapo alisema:
“Nawashukuru sana kwa kuleta video hii, huu ndiyo ushirikiano unaotakiwa, nawaomba wananchi video za aina hii wazikatae kwa sababu ni kosa kuwa nazo na watu kadhaa wameshakamatwa kwa kuwa nazo.
“Sisi kama jeshi la polisi tunajua kuwa kuna watu wanadhani kufanya uhalifu kama huo kutawasaidia kutimiza matakwa yao, lakini ukweli ni kwamba polisi wapo imara na nina uhakika watuhumiwa watakamatwa kwa kushirikiana na raia wema.”



SHEHE MKUU AMKANA
Baada ya kuzungumza na IGP, Ijumaa lilimtafuta Shehe Mkuu Tanzania, Mufti Shaban Simba na kumsimulia kuhusu kuibuka kwa Bin Abullah na kutaka kujua pengine anamfahamu.
“Kwanza hizo taarifa hizo ndiyo nazisikia kutoka kwako. Hilo jina ulilonitajia (Bin Abdullah) sijawahi kulisikia labda muangalie kwa wenzetu upande wa pili.”
KUMBUKUMBU ZA NYUMA
Katika gazeti ndugu na hili, Uwazi, Toleo la Januari 28 mpaka Februari 2, mwaka huu ukurasa wake wa mbele kulikuwa na habari yenye kichwa; KUUAWA KWA POLISI IKWIRIRI; MAZITO YAIBUKA!
Katika habari hiyo, Uwazi lilichimba kwa kina kuhusu kuvamiwa kwa Kituo cha Polisi Ikwiriri na kuuawa kwa askari wake wawili, Edger Jerald Mlinga (43) na Judith Timothy (32).
Watu hao waliodhaniwa ni majambazi walifanikiwa kupora bunduki 7, risasi 60 na mabomu kadhaa yaliyokuwa ndani ya kituo na kukimbia bila kukamatwa.
Baadhi ya watu waliozungumza na Uwazi kwenye eneo la tukio walisema wana wasiwasi watu hao si majambazi bali ni kundi la kigaidi ambalo lina mkakati wa kukusanya silaha kwa ajili ya matumizi batili siku za baadaye, jambo ambalo limeanza kujionesha kupitia video iliyonaswa na Gazeti na Ijumaa.
KUTOKA DAWATI LA IJUMAA
Tunawaomba wananchi kwa ujumla kutokuwapa nafasi watu wa aina ya Abdullah wanaoeneza chuki kwa lengo la kuwagawa watu na kuleta machafuko, badala yake kila anayeashiria shari ni vema taarifa zake zikafikishwa kwenye vyombo vya sheria ili amani ya taifa iendelee kudumu.
Aidha, tunalitaka jeshi la polisi pamoja na vyombo vya usalama kulichukulia kwa uzito tamko la mtu huyo anayedai kuwa ni kiongozi wa ugaidi, kumsaka na kumtia hatiani pamoja na wafuasi wake wote

polisi wapiga marufuku maandamano ya vijana wa CUF

Jeshi la polisi kanda maalum ya Dar es Salaam limepiga marufuku maandamano ya jumuia ya vijana wa chama cha wananchi CUF yaliyokuwa yafanyike Feb 13 mwaka huu.

Kamishna wa polisi kanda maalum ya Dar es Salaam Suleiman Kova akizungumza na waandishi wa habari amesema .

 

hata hivyo licha ya jeshi la polisi kupiga marufuku maandamano hayo vijana hao wamesisitiza kuwa maandamano yao ya kuitaka tume ya uchaguzi kuongeza siku za kuandikisha daftari la kudumu la wapiga kura yanayotarajiwa kufanyika Feb 13 yako palepale.

 

Mwenyekiti wa JUVICUF taifa Bw Hamidu Bobali ameyasema hayo jijini Dar es Salaam ambapo amesema maandamano yao mbali na kuishinikiza tume kuongeza siku za kujiandikisha pia yana lengo la kulani ukiukwaji wa haki za binadamu unaofanywa na jeshi la polisi nchini na kuongeza kuwa hawawezi kusitisha kutokana na hoja wanazotaka kuwasilisha zina maslahi mapana kwa taifa.

ligi ya mkoa wa ARUSHA kuingia hatua ya sita bora

na Bertha Ismail - Arusha

Ligi ya mkoa wa Arusha imefanikiwa kuingia hatua ya sita bora huku kila timu ikijitamba kutwaa ubingwa huku wakiionya chama cha soka mkoa huu ARFA kutangaza bingwa wa uwanjani na siyo kubeba baadhi ya tim.

Timu hizo sita zilizofanikiwa kuingia hatua ya sita bora ni pamoja Kaloleni, Chacky, Madini, mana, namanga pamoja TPF ambapo wataanza kupambana karibuni kusaka bingwa wa mkoa huku kila timu ikitambia mwenzake.

Akizungumza na mwandishi wa habari hizi, Mmiliki wa timu ya Kaloleni Charles Mwaim alisema kuwa timu ya kaloleni imekuwa ikipigwa majungu kwenye ligi hiyo hali ambayo wanakosa kuwa bingwa halali miaka na miaka katika ligi hiyo.

“Sisi kwa kujiangalia lazima tushinde kutokana na alama zetu hivyo tuwatake chama cha soka mkoa waache kuingilia matokeo ya mpira bali waache timu itakayofanya vema ndio awe mshindi na kama watafanya hivyo lazima tuchukue”

Kwa upande wake kocha Mkenya wa timu ya TPF fc, Abdallah Shakir alijitamba kuwa hatua ya sita bora ni moja ya malengo yao waliyokuwa nayo ya kufanikisha safari yao ya kuwa bingwa wa mkoa watakaokwenda kuleta mabadiliko katika ligi ya mabingwa wa mikoa.

“Mimi nimetoka Kenya kuja hapa kufanya kazi siyo kueneza injili na kazi kubwa ni kuifanikisha timu hii inakuwa bingwa hivyo niwatake wenzako wasiache kutusindikiza katika kupata ubingwa huu kihalali kama chama cha soka hawatatukandamiza” Alisema Shakir

Kwa upande wake mmiliki wa timu ya tajiri ya madini fc, Athumani Mhando alisema kuwa kwa mazoezi ya timu yake hawezi kuzungumza mechi kwani dakika 90 za uwanja ndio zitaamua kutoa matokeo.

mwisho.........

wasanii watakiwa kuacha kutumika kwa ngono kupata umaarufu

Katibu mkuu wa chama cha waigizaji nchini Twiza Mbarouk amewaonya wasanii wa kike kuacha kutumia miili yao vibaya kwa kujirahisi kingono ili kupata umaarufu utakaopelekea kujiongezea kipato badala yake wafanye kazi za sanaa kwa ubora itakayojiuza sokoni.

Mbarouk  aliyasema hayo jijini Arusha kwenye uchaguzi mkuu wa kuchagua viongozi wa chama cha waigizaji mkoani hapa iliyohudhuriwa na wanachama zaidi ya 50 wanaotengeneza filamu mbalimbali na kusambaza nchini.

“Kwa sasa jamani mabinti ifikie mahali mseme basi kujidhalilisha wenyewe kwa kutumia miili yenu kujipatia umaarufu  utakaozalisha pesa badala yake tungeni na fanyeni kazi nzuri itakayouzika sokoni kwani kwa njia hiyo umaarufu huja wenyewe na kipato vilavile kuliko kutumika miili yenu”

“Mimi niwaambie tu umaarufu wa ngono haudumu hata siku moja kwani magonjwa nayo hayakai mbali na wewe pia unaweza ukajirahisi upate umaarufu na usipate lakini ukifanya kazi nzuri itakupa umaarufu mzuri utakaodumu na usio na majuto wala mateso pia kipato kitakuwa mara dufu”

Mbali na hilo aliwataka wasanii kutumia nafasi walizonazo kujiendeleza kielim ili kuweza kufanya kazi nzuri zitakazokwenda na wakati sokoni sambamba na kuimarisha vyama vyao vya sanaa ili kupata maendeleo zaidi kuliko kutumia mda mwingi kusambaratisha umoja wao.

Kwa upande wake mwenyekiti aliyepita bila kupingwa Fredy Elifas alisema kuwa kazi kubwa kwa sasa ya kufanya ni kuongeza wanachama kutoa 80 waliopo hadi 200 katika mwisho wa uongozi wake lengo ikiwa ni kuongeza nguvu katika chama hicho.

“Mbali na kuongeza nguvu lakini ni ili wanachama tunufaike na SACCOS watakayoianzisha ili kuacha kutegemea chanzo kimoja cha mapato pekee ambacho hakitawalipa wao na maisha yao ya baadae bali wawe na miradi itakayoendeshwa kwa fedha za mikopo watakazopata kutoka katika taasisi mbali mbali za kifedha”.

mashindano ya rolling store kuahirishwa mwaka huu

Mashidano ya kimataifa ya mpira wa miguu kwa vijana chini ya umri wa miaka 15 (Rolling store) yanayoshirikisha nchi za ukanda wa maziwa makuu yamehairishwa kwa mwaka huu kufuatia kuwepo na maswala ya uchaguzi pamoja na kura za katiba mpya.

Mashindano ya Rolling store yenye makao yake makuu mkoani Arusha, na kufanyika kila mwaka hapa nchini kwa kuwaalika nchi za ukanda wa maziwa makuu kushindana kisoka yamehairishwa kutokana na kuwepo kwa uchaguzi mkuu wa maraisi na wabunge huku pia kukiwa na mchakato wa kupiga kura za maoni.

Akizungumza na gazeti hili, mkurugenzi wa Taasisi hiyo ya Rolling store, Ally Mtimwa alisema kuwa makao makuu ya taasisi hiyo yako Tanzania hivyo kutokana na kuwepo na shughuli maalum ya kiserikali kwa mwaka huu wameamua kupisha shughuli hiyo kama kuipa heshima nchi katika shughuli zake.

“Mashindano ya rolling store kwa mwaka huu hakuna kutokana na kuwepo kwa shughuli za uchaguzi na pia ni mwaka wa katiba ambapo kutakuwa na vuguvugu la kisiasa pia misukosuko ya kiuchaguzi hivyo na sisi kama wadau wa nchi hii hatuwezi kuingilia ratiba hiyo kwani hatuwezi kuwaalika wadau waje kushindana kindi nchi iko na shughuli maalum”

“Mbali na hilo pia hatufanyi mashindano kutokana na mikakati mipya tunayotaka kuanza ikiwemo kufanya mashindano kwa kuvuka mwaka mmoja mfano tukifanya mwaka huu hatufanyi mwaka kesho hii yote ikiwa ni kuyaboresha mashindano yetu pia kupata mda wa kufanya tathmini yetu juu ya mashindano yaliyopita”

Mtumwa alitumia nafasi hiyo pia kuwataka wadau wa soka wa mashindano hayo kujiandikisha kuwa wenyeji wa mashindano hayo katika nchi mbali mbali kwa mfumo huo mpya sambamba na kuwakaribisha wadhamini kujitangaza kupitia mashindano hayo ya kimataifa

“Mimi niseme tu kuwa kutokana na kuboreka kwa mashindano haya na kufanikiwa kwa kiwango cha hali ya juu kwa sasa tunakaribisha nchi zingine sasa kuwa wenyeji wa mashindano haya kwa miaka ijayo pia wadhamini watumie fursa hiyo kujitangaza kwani hadi sasa hatuna wadhamini wakuu wa mashindano haya kwani kwa mwaka jana tulikuwa na wadhamini ambao ni Azam tv hivyo wengine wajitokeze” alisema Mtumwa.

mwisho...................

timu za Arusha kunolewa na DC

na Bertha Ismail - Arusha

Wachezaji wa Timu za Arusha fc na Maafande wa Jkt Oljoro za mkoani hapa wameungana na timu zingine na kunufaika na elim ya sayansi ya soka sambamba na stadi pia mbinu za kucheza mpira bora lengo ikiwa ni kuifanya Arusha kupata timu tishio katika mechi za ligi mbalimbali watakazokutana nazo.

Wachezaji hao zaidi ya 60 walionufaika ni kutoka katika timu mbali mbali ikiwemo Oljoro inayoshiriki ligi daraja la kwanza pamoja na Arusha FC inayoshiriki ligi daraja la pli waliungana na timu zingine za Chacky FA,  Usa star na meru Worrious zinazoshiriki ligi daraja la tatu.

Mradi huo unaoratibiwa na mkuu wa wilaya ya Arumeru ilihusisha mafunzo ya siku 12 iliyotolewa katika kambi ya chuo cha maendeleo ya kimataifa kilichoko Arumeru mkoani Arusha na kutolewa na wakufunzi watatu akiwemo mkuu wa wilaya ya Arumeru Nyirembe Munassa Sabi pamoja na Kocha wa oljoro M’bwana Makata.

Akizungumza baada ya kumalizika kwa kambi ya mafunzo hayo, mkuu wa wilaya Munasa Sabi alisema kuwa wameamua kufanya mafunzo hayo baada ya kuona wachezaji wa timu mbali mbali za Tanzania wakicheza hovyo kwa kutumia nguvu zaidi kuliko Akili hali iliyopelekewa na nchi yetu kukosa shule ya soka kama nchi zingine.

“Unajua nchi za wenzetu kuna shule za soka ambazo watoto wenye vipaji vya soka walipelekwa shule maalum ya kuendeleza vipaji vyao  na baadae kutisha katika soka ndio maana unaona nchi za wenzetu watoto wa miaka kuanzia 15 wanacheza ligi kuu tofauti na sisi mtu mzima kabisa asie na mda mrefu uliobaki ndio anacheza ndio maana mimi nikaamua kuratibu mafunzo haya amabyo yatakuwa endelevu”

“Lengo kubwa ni kuzifanya kwanza timu za Arusha zikawe na makali ya aina yake kwenye timu watakazochezea hali itakayopandisha thamani zao na kucheza soka safi la kulipwa na kuwa kama ajira zingine zinazosomewa hivyo na soka lazima usome ili kujua mbinu na stadi za kucheza na kubuni nafasi ya kushinda”alisema mkuu huyo.

Mkuu huyo wa wilaya ambae alifanikiwa kuwapeleka vijana 10 nchini Brazil mwaka jana kushuhudia michuano ya kombe la dunia, alisema kuwa lengo kubwa ni kuwafanya vijana kuiga mbinu za soka la kimataifa ambapo mwaka huu ameahidi kuwapeleka vijana wengine zaidi ya 20 mwaka huu huko Europe.

“Unajua pamoja na kambi hii ambayo vijana wamepata semina ya sayansi na stadi za michezo kwa nadharia na vitendo lakini pia wanatakiwa washuhudie mechi mbali mbali na mazoezi ya timu za kimataifa ili kupata mbinu za wenzetu wanaofanikiwa kisoka hivyo lazima nijitahidi na wadau kuwafadhili waweze kuhudhuria michuano hiyo ili kufanikisha ndoto yetu ya kucheza kombe la dunia 2025”

Mwisho…………..

jiji la Arusha kutumia bilioni 42 mwaka 2014/ 2015

Mkurugenzi wa Halmashauri ya Wilaya ya Arusha vijijini ,Fidelis Lumato amesemakuwa wilaya yake imepanga bajeti ya kiasi cha shilingi bilioni 42  kwa mwaka wa fedha 2015 /2016 ambazo zitaelekezwa kwenye masuala ya maji,afya na elimu ili kuhakikisha upatikanaji wa huduma muhimu za kijamii.

Fidelis Lumato aliyasema hayo jana katika kikao cha Halmashauri hiyo kilichojadili bajeti hiyo jana ambapo amefafanua kuwa mambo hayo matatu ni vipaumbele muhimu kwa halmashauri hiyo.Amesema kuwa fedha hizo zitasaidia kuboresha maabara,mabweni pamoja na kujenga vituo vya afya karibu.

Lumato amesema kuwa upatikanaji wa fedha hizo utasaidia ujenzi wa barabara ya Redio Habari Maalumu,Ngaramtoni,Seliani na Sambasha ambazo pia ni ahadi za Raisi Jakaya Mrisho kikwete.

Naye Mbunge wa Arumeru Magharibi Goodluck Ole Medeye amesema kuwa ni vyema halmashauri ikajikita zaidi kuboresha shule za msingi na sekondari  ikiwemo shule ya Sekondari Sokon 2 ambayo inakabiliwana uhaba wa matundu ya choo.

Medeye amewataka wananchi na madiwani kuwa wavumilivu baada ya mashimo ya nguzo  kuchimbwa kwenye maeneo yao bila kuwekewa umeme kwanimradi wa umeme vijijini  (REA) bado uko kwenye utekelezaji hadi utakapofikia kikomo juni 30 mwaka huu.

“Nawaomba madiwani na wananchi muwe wavumilivu badonafuatilia juu ya mradi wa REA bado wanaendelea na utekelezaji kwasasa kasi yaoinaenda kadiri wanavyopata fedha serikalini” Alisema Medeye

Diwani wa Kata ya Mwandeti Boniface Tarakwa amesemakuwa  bajeti hiyo ilenge kukarabati barabara ambazohazipitiki hasa kipindi cha mvua ili kuboresha miundombinu .

KESI YA RAIA WA INDIA WALIOPATA PASSPORT KWA UDANGANYIFU YARINDIMA ARUSHA

Na Ferdinand Shayo,Arusha.

Hakimu Mkazi wa Mahakama kuu ya Arusha ,Gantu Mwankuga ameahirisha kesi ya Raia wenye asili ya India wanaodaiwa kujipatia passport  kwa kutumia vyeti vya kuzaliwa ile hali si raia wa Tanzania .

Watuhumiwa hao waligunduliwa Novemba mwaka jana na Ofisi ya Uhamiaji Arusha na kufikiwa mahakamani kujibu tuhuma hizo kwa mara ya kwanza Januari 20 mwaka huu.

Gantu amewataja watuhumiwa hao kuwa ni Ghansyam  Vakaria (53),Kaushik Ghansian (32),Nautam Ghansian ambaye ana uraia wa Uingereza.

Watuhumiwa hao walifikishwa mahakamani leo mbele ya hakimu kesi yao imetajwa kwa mara ya pili kesi hiyo itatajwa tena Februari 17 mwaka huu.

Kwa upande wake Mkuu wa Uhamiaji Mkoa wa Arusha Ndelema Mwakipesile amesema kuwa Watuhumiwa hao waliishi nchini tangu mwaka 1986 wakiwa na kibali maalumu cha kuishi baada ya kibali kuisha walihitaji kuongeza muda na kujikuta wakitumia njia ya udanganyifu kujipatia passport kinyume na sheria.

“Watu hawa walimtumia ndugu mmoja anayefahamika kwa jina la Karia ambaye kwa sasa ni marehemu aliyefanyia mpango wa kupata vitambulisho vya kuzaliwa vya nchini walivyo vitumia kuombea passport na kupewa  baadae walichunguzwa na kubainika si raia wa Tanzania ,suala hili lipo mahakamani litatolewa hukumu” Alisema Ndelema

Mkuu huyo amewaasa Watanzania kuwa makini na kutowatumia mawakala wa mitaani kupata huduma za uhamiaji badala yake wafike moja kwa moja kwenye ofisi zao kwani hawana mawakala.

Kesi hiyo raia hao inatarajiwa kutajwa tena Februari 17 mwakahuu,kesi hiyo yenye namba 16 /2015 huku watuhumiwa wakikana mashtaka na kudaiwao ni raia wa Tanzania,kitendawili ambacho kitateguliwa na mahakama.

chanzo prince media

GHANA 3-0 EQUATORIAL GUINEA AFCON 2015 GHANA KUCHEZA NA IVORY COAST FINAL JUMAPILI.

GHANA 3-0 EQUATORIAL GUINEA AFCON 2015 GHANA KUCHEZA NA IVORY COAST FINAL JUMAPILI.

 wachezaji wa Ghana  wakishangilia ushindi na kutinga fainali baada ya kuwakunja wenyewe Equatorial Guinea 3-0  kwaiyo sasa  Ghana kukutana na Ivory Coast tarehe 8 kwenye fainali. 

Baada ya kipenga cha mwisho wenyewe wa mashindano hayo ya AFCON walikuwa wamekubali kipigo cha magoli matatu ndipo washabiki walivyoanzisha timbwili hili uwanjani hapo.

Hali ilionekana siyo shwari toka kipindi cha kwanza pale Ghana walivyo pewa penati ya mapema hii hapa ilikuwa baada ya dk 45 za kwanza washabiki wenye mizimu ya kinyamulenge walianza kuwarushia makopo na chupa wacheza wa Ghana walivyokuwa wakielea kwenye vyumba vya mapumzikia.

Uwanjani hapo hali haikuwa shwari kwa muda wa dk 30 baada ya kipenga sha mwisho wa.

Polisi wakiwapandia washabiki jukwaani hili kuwaadabisha kutoka na vurugu hizo uwanjani hapo

Chupa za maji hiyo wakirushiwa wachezaji wa Equatorial Guinea kutoka kwa washabiki wenye jaziba baada ya timu yao kukubali kipindo.

Helicopter ikizunguka eneo la uwanja kujaribu kuzima vurugu hizo baada ya kipenga cha mwisho 

Hapakutosha uwanjani hapo baada ya wenyeji kukubali kipigo cha bao tatu kwa kibuyu kutoka kwa vijana wa Kighan

Rais Kikwete aomba Ujerumani kusaidia Tanzania katika kukuza uchumi

Rais wa Ujerumani, Joachim Gauck (kushoto) na mwenyeji wake, Rais Jakaya Kikwete wakiwasalimia watoto na wananchi baada ya kuwasili Ikulu, Dar es Salaam jana kwa ziara ya siku tano. (Na Mpigapicha Wetu).

RAIS Jakaya Kikwete na mgeni wake, Rais wa Ujerumani, Joachim Gauck wamekubaliana katika kukuza ushirikiano wa kiuchumi, huku Rais Kikwete akiitaka Serikali ya Ujerumani kuenedelea kuisaidia Tanzania katika kukuza uchumi kwa kutoa misaada ya maendeleo na kuwekeza zaidi.

Aidha, Rais Gauck ameipongeza Tanzania kutokana na juhudi za kusaidia kuleta amani katika nchi za Jamhuri ya Kidemokrasia ya Kongo (DRC) na Sudan Kusini. Akizungumza jana akiwa na mgeni wake, Rais Kikwete alisema Ujerumani imekuwa na mchango mkubwa kwa Tanzania, lakini kuna haja ya kuongeza misaada hiyo.

Alisema pamoja na kuwapo ushirikiano wa muda mrefu kati ya Tanzania na Ujerumani hususani kuwa na uhusiano mzuri kisiasa, lakini pia kuna haja kuimarisha uhusiano wa kiuchumi kwa lengo la kukuza uchumi. Kikwete alisema katika kuimarisha uchumi, Ujerumani inaweza kuisaidia Tanzania kwa njia mbili, ikiwa ni misaada ya maendeleo na uwekezaji katika sekta mbalimbali.

Alisema kwa sasa Ujerumani ina miradi 151 ya uwekezaji yenye thamani ya Euro milioni 300 (Sh bilioni 630) na kuwa wanaweza kuwekeza zaidi ya hapo hadi kufikia zaidi ya Euro bilioni moja (Sh trilioni 2.1) hasa kutokana na Tanzania kugundua nishati ya gesi asilia.

“Ujerumani imekuwa ikiisaidia Tanzania. Tanzania iko kama ilivyo leo kwa sababu ya misaada kutoka Ujerumani. Katika mkutano wetu wa faragha tumejadili na kuweka wazi dhamira ya kushirikiana. Uhusiano wetu wa kisiasa uko vizuri na kwa sasa tuelekeze nguvu katika kuimarisha uhusiano wa kiuchumi.”

Kikwete aliongeza: “Nina furaha kwa sababu umekuja na ujumbe wa wafanyabiashara, hasa kutokana na kuwa tumegundua gesi, maeneo ambayo mnaweza kuwekeza pia.” Kwa upande wake, Gauck aliipongeza Tanzania kwa kudumisha amani katika ukanda huu na kusema:



“Tunaheshimu kile ambacho Tanzania imekifanya katika kuleta amani na usalama katika ukanda huu, kupambana na maharamia na kuleta amani katika nchi za DR Congo na Sudan Kusini, huo ukiwa ni mfano wa utawala wa sheria.”

Akizungumzia ushirikiano wa kiuchumi, Rais Gauck alisema kuna fursa ya kuboresha uhusiano wa nchi hizo mbili na kuwa amekuja na ujumbe wa wafanyabiashara ili waweze kuona maeneo ya uwekezaji. Gauck pia aliipongeza Tanzania kwa kupiga hatua katika kukuza uchumi ambao umekuwa kwa asilimia saba.

“Mafanikio haya yameifanya Tanzania kuwa nchi ya mfano kwa Afrika.” “Mmeonesha kuwa mko tayari kwenda mbali zaidi, ikiwa ni pamoja na kuhakikisha kunakuwa na utawala bora kama kupambana na rushwa na tutakuwa nayi,” alisema.

Aidha, akijibu swali kuhusu kufungiwa kwa gazeti la The East Afrika, Kikwete alisema gazeti hilo lilikuwa likifanya shughuli zake bila kufanya usajili na kwa sasa wamiliki wa gazeti hilo wamefanya taratibu za kuomba na mamlaka husika zinashughulikia hilo.

“Serikali haizuii uhuru wa vyombo vya habari hapa nchini, na hii ndio maana tumekuwa na orodha ndefu ya magazeti yanayomilikiwa na watu binafsi huku serikali ikiwa na magazeti mawili tu,” alisema.

Kuhusu swali la polisi kuwapiga viongozi wa vyama vya upinzani wanapofanya maandamano, Kikwete alisema nchi ina sheria na kanuni ambazo vyama vya siasa vinatakiwa kufanya kabla ya kuandamana.

Kuhusu kudumisha amani hapa nchini na mikakati ya kupambana na mashambulizi ya al-shabab, Kikwete alisema Tanzania imeweza kudumisha amani pamoja na kuwapo watu wenye dini tofauti kunatokana kuwa na kamati ya amani inayoundwa na viongozi wa dini ambao wanakutana kuzungumzia tofauti zao.

Kuhusu ugaidi, Kikwete alisema: “Siwezi kusema kuwa Tanzania itaendelea kuwa salama na haitakumbwa na mashambulizi ya kigaidi kwa asilimia 100, kinachofanyika ni kuimarishwa kwa ulinzi vya ndani pamoja na kushirikana katika kubadilishana taarifa za kiintelejensia na mataifa mengine.

Rais Gauck aliyewasili nchini juzi kwa ziara ya siku tano, jana alifanya mazungumzo ya faragha na mwenyeji wake na kisha kuzungumza na wadau kutoka katika asasi za kiraia.



Leo Rais Gauck atakuwa Zanzibar, ambako atakutanana na Rais wa Zanzibar, Dk Ali Mohamed Shein na pia kukutana na viongozi wa madhehebu.

magazeti ya leo ijumaa ya february 6,2015

.

.

.

.

.

.

.

.

.

.

.

.

.

.

.

.

.

.

mpe mumeo mambo haya badala ya limbwata ili kumteka akili yake kimapenzi

MPE MUMEO ANACHOHITAJI.WANAWAKE wengi wanashindwa kujua wao wanatofautiana na wanaume kwa hisia na hata mawazo ya mapenzi. Wanaume wana mambo wanayoyapenda kutoka kwa wake zao hasa katika masuala ya mapenzi. Kwanza wanawake wajue wanaume wengi wana hisia za haraka za kufanya mapenzi kuliko wanawake.

Mwanaume alivyoumbwa ni kwamba akiona tu mfano mwanamke umevaa kanga moja au umevaa night dress hiyo inatosha kusisimua. Wapo wanawake wanaowasisimua waume zao bila wao kujua. Mfano umevaa tu kanga moja au night dress ndani huna kitu.

Kwako ni jambo la kawaida lakini kwa mwanaume sio la kawaida kwa kukuona hivyo tayari unakuwa umeamsha hisia zake. Ukimwona anakuja kutaka haki yake usidhani anakusumbua. Ujue tayari mwenzako alishafiria mbali zamani we huna habari.

Ni vyema ukawa mwangalifu kujua hisia za mwanaume huyo mumeo kama inawezekana mpe anachohitaji kwani usipofanya hivyo unamwathiri kisaikolojia na anaweza kufikiria nje. Wanawake wengi wa nje waliowaweka waume zenu kiganjani hiyo ndio mbinu wanayotumia. 

Akiwa na ahadi na mumeo atamkuta kanga moja au amevaa night dress na kila anachohiji atapewa haraka tena kwa madoido. Kwanini akitaka hayo hayo kwa mkewe hapewi je ana kosa gani anapofikiria nje?

NB:
Nikisema mpe mumeo Hitaji lake sina maana Umpe mpaka kinyume na maumbile Ukiona Mumeo kafikia hapo Huyo Hafai si Mume mwenye Busara huyo na wala hakutakii mema mkatalie na Umwelimishe madhara ya Tendo la ndoa kinyume na maumbile.

MVUTIE MUMEO KWA MWENEKANO WAKO. Mvuto ni muhimu sana kwa mwanaume. Wanaume wanapenda wanawake wanaowavutia kihisia. Niwaambie wanawake mlioolewa jueni kumvalia mumeo mavazi yanayomvutia.

Sio vibaya kama nilivyosema hapo juu ukavaa kanga moja kama upo pamoja nae. Kama nilivyoeleza hapo juu mwanaume anasisimka kwa kuona. Kwanini avaliwe kanga moja na wanawake wa nje wakati wewe unaweza kuvaa.

Wanawake jueni hili mnapokuwa karibu na waume zenu jianchieni Kwa mfano hakuna ubaya wakati mumeo karudi kutoka kazini akiwa amechoka, wakati unampotengea chakula ukavaa kanga moja au night dress. 

Unaweza kuona hilo ni jambo dogo lakini kisaikolojia utakuwa umefanya jambo kubwa. Hapo hata kama atakuwa ameudhiwa kazini atasahau na kukuona wewe mpenzi wake.

Usafi panga vitu vyako vya chumbani vizuri:

Jambo hili limekuwa lizizungumzwa sana hadi wengine wanasema mwanamke usafi. 

Kisaikolojia mpangalio wa vitu ndani na hasa chumbani kama ni mbovu unaweza kuathiri hata tendo la ndoa. Kama chumba ni kichafu vitu havijapangwa vizuri kisaikolojia kunapunguza msisimko wa mapenzi na hata kumfanya mwenzako achukie kufanya na wewe tendo hilo ukadhani hakupendi.

Mwanamke tandika kitanda chako vizuri panga chumba chako tandika shuka nzuri. Siku hizi kuna shuka zina maneno ya mapenzi nunua hiyo uwe unatandika. Kisaikolojia utamfanya mpenzi wako avutiwe chumba chako na hata wewe mwenyewe. 

Mazingira mazuri yatamfanya asisimke haraka kimapenzi anapokuwa na wewe na hata kuitamana nyumba yake na kurudi mapema nyumbani.

Jinsi chumba kilivyo rafu ndiyo wanasakolojia wanasema kunafanya ubongo uwe rafu hata kuchukia. 

Unaweza kumwona mwenzako anachukia kumbe ni kutokana na mpangilio mbovu wa chumba ndio sababu inayomfanya achukie.

Uwe msafi wa mwili:
Sio usafi wa chumba pekee unatosha pia na usafi wa mwili wako ni muhimu. 

Niwakumbushe wanawake hakuna kitu kinachowachukiza wanaume kama mwanamke mchafu. Asiyejipenda. Sio lazima ujirembe sana lakini jitahidi ukawa msafi. Oga vizuri paka mafuta au lotion yako jipulizie manukato kidogo yanayomvutia mumeo. 

Sio lazima utumie gharama kubwa usafi wa kawaida unatosha na kupaka rotion kuna fanya ngozi ya mwanamke ikawa laini inayovutia wanaume wanapenda sana wanawake wenye ngozi laini yenye kuvutia inaleta msisimko mumeo anapokuwa anakuangalia mara kwa mara.

Wanawake wa nje hawana zaidi ya hayo ni hayo hapo juu na mengine ndiyo wanayotumia kuwaweka waume zenu kiganjani. Usijaribu kwenda kwa mganga hakuna atakachokusaidia memeo atatoka kama wewe humsisimui, hupangi vitu vyako vizuri na pia kama unaendekeza uchafu ni rahisi mumeo kufikiria nje.

Kujiamini kwako iwe ni kwa sababu unajua ‘kumhendo’ mumeo kwa kumpa mapenzi ya kiwango cha juu, kumheshimu, mjali na kumpatia mambo ya msingi ambayo anastahili kuyapata kutoka kwako. Ukifanya hivyo utaifanya roho yake imsute kila anapotaka kukusaliti.

Hiyo ndiyo iwe sababu ya wewe kujiamini na wala huna sababu ya kujinadi kwa wenzako. Tambua kuwa kuna wanaofikia hatua ya kuhatarisha maisha yao kwa kutoa ‘mtandao’ wakijua kuwa ni njia ya kuwashika waume zao kumbe wanajitafutia matatizo makubwa.

Wapo waliopoteza fedha zao nyingi kwa kwenda kwa waganga ili waume zao wasifurukute mbele zao lakini imekuwa kazi bure. Shituka leo, anza kutumia mbinu sahihi za kuishikilia ndoa yako na usijidanganye kwa kufanya mambo ambayo ni sawa na kutwanga maji kwenye kinu.

Mwanamke aliyekamilika ni yule anayeuthamini mwili wake, sasa kwa nini leo hii ukubali ‘kumrukisha ukuta’ mumeo ili kumfanya asiende nje ? Kwa nini utumie fedha zako kwenye kumtafutia limbwata mumeo wakati wewe mwenyewe ni limbwata toshachanzo jumamtanda blog