:MENGI AMPONGEZA RAIS KIKWETE KWA KUUZA NCHI.

TWITEER YA MWENYEKITI WA MAKAMPUNI YA IPP MEDIA,REGINALD MENGI KWA RAIS JAKAYA KIWETE.


WAKATI wawekezaji wakigeni wakizidi kunufaika wakati watanzania wakiendelea kuishi katika lindi la umaskini,Mwenyekiti Mtendaji wa Makampuni ya IPP Media Reginald Mengi ameipongeza Seriki
li ya Rais Jayaka Kikwete kwa hatua ya kuuza nchi kwa wawekezaji hao.

Pongezi za Mengi kwa Serikali ya Rais  Kikwete imekuwa na tafsiri tofauti kutokana na jinsi ambavyo wawekezaji hao wananufaika kupitia migongo ya watanzania maskini na rasilimali zao, huku Rais Kikwete na Serikali yake ikiendelea kulifumbia macha suala hilo.

Mengi ambae amekuwa kati ya watanzania wachache wanaotumia sehemu ya mali zao kuwasaidia watanzania wenye maisha  magumu hususan walemavu wa viungo na ngozi, alitoa pongezi hizo kupitia akaunti yake ya Tweeter.

"Hongera Tz kwa kuwa labda nchi ya kwanza duniani kubinafsisha mashirika ya umma na kunufaisha wawekezaji wageni badala ya wananchi"alitweets Mengi katika akaunti yake.

Kauli hiyo ya mengi pia imekuja ikiwa ni wiki moja tu tangu wananchi wa Mtwara walipofanya vurugu kubwa zilizosababisha vifo vya watu wawili na kufanya uharibufu mkubwa wa mali,vurugu hizo za wanamtwara zilikuwa na lengo la kupinga hatua ya Serikali ya Rais Kikwete kusafirisha Gesi kutoka mkoani humo hadi jijini Dar es Salaam, hati maye kufika Mkoani Pwani hasa katika Wilaya ya Bagamoyo mahali alipozaliwa Rais huyo.  

Pengine Mengi ameguswa na shida za wananchi waliobahatika kuzaliwa katika nchi tajiri kuliko zote Barani Afrika, nchi ambayo hivi sasa imekuwa ni kimbilio la nchi zenye nguvu kubwa za kiuchumi  pamoja na nguvu za kijeshi Duniani. 

Kauli ya Mengi pia imekuja katika kipindi ambacho Tanzania inatarajia kupokea ugeni mkubwa katika historia ya nchi hii, Rais wa Marekani Barack Obama anatarajia kutembelea Tanzania mwanzoni mwa mwezi Julai mwaka huu, akiwa na msafara wa watu 700 wenye lengo la kuja kuwekeza Tanzania.  

Ziara hiyo ya Obama inakuja ikiwa ni miezi minne tangu Rais wa Jamhuri ya watu wa China Xi Jinping alipotembelea Tanzania kwa ziara kama hiyo ya Obama, hata hivyo kauli ya Mengi bado inaacha maswali mengi ukiangalia dhamani ya ubora wa rasilimali za Tanzania ukilinganisha na dhamani na ubora wa watanzania wenyewe.  
CHANZO http://www.habarimpya.com