Serikali imeamua kuwavalia
njuga watu wote wanaowanyanyasa watoto wa kike na kuwanyima haki zao za msingi
hasa ya elimu kwa kigezo cha mila na desturi zisizo na tija wala manufaa kwa
Taifa.
Akiongea na kipindi hiki wilayani
ngorongoro, mkuu wa wilaya ya hiyo mheshimiwa Elias Wawa Lali amesema kuwa
kumekuwepo na tabia kwa baadhi ya watu hasa wa jamii ya kimasai kuwakatisha
watoto wao masomo na kuwalazimisha kuolewa kwa kigezo cha mila na desturi
ambapo kuanzia sasa watu hao ameanza kuwachukulia hatua kali za kisheria.
Alisema kuwa jamii hiyo ya
kimasai wamekuwa wakiwachukulia watoto wa kike kama
chombo cha biashara au starehe hali ambayo imekuwa chanzo cha kushuka kwa
taaluma wilayani humo kutokana na watoto hao kukatishwa masomo au kulazimishwa
kujifelisha mitihani ya darasa la nne au la saba ili kuolewa na wakikaidi
hutishiwa kuachiwa laana.
Millya aliongeza kuwa
kumkatisha mtoto masomo kwa ajili ya kupata ng’ombe kwa jamii hiyo imekuwa kama
kawaida kwa jamii hiyo hali ambayo serikali haikubaliani nalo kwani ni kinyume
na sera ya nchi ya kumuelimisha mtoto wa kike hivyo wameanza kuwachukulia hatua
kali kali za kisheria wahusika wa vitendo hivyo ambapo pia amewataka watoto au
wasamaria wema waonapo vitendo hivyo kwa majirani zao watoe taarifa mapema.
Aliongeza kuwa awali walikuwa
wakitoa elimu juu ya madhara ya kuendekeza mila na desturi hasa kwa mtoto wa
kike ambao ndio waathirika wakubwa na mila hizo lakini wako baadhi ya wananchi
wanaojifanya mawazo yao
Awali uchukuzi uliofanywa na
kipindi hiki wilayani humo umebaini kuwa swala la mila na desturi katika jamii
hiyo ya kimasai bado ni Mungu mtu lakini utekelezaji wake humkandamiza zaidi
mtoto wa kike hasa katika umri wa miaka 10 na kuendelea ambapo hulazimishwa
kukeketwa sambamba na kulazimishwa kuolewa
na mtu hata asiyemtaka kwa kigezo cha wazazi kupewa mali au ngombe bila kujali
umri wala masomo yake.
0 comments:
Post a Comment