Obama ahaidi kushirikiana na Romney kuendesha nchi

Rais wa Marekani Barack Obama akitoa shukrani zake kwa wananchi mjini Chikago

Rais wa Marekani Barack Obama aliyechaguliwa tena kwa muhula wa pili kuwa Rais wa Marekani kwa  kumshinda mpinzani wake wa Republican Mitt Romney ameahidi kushirikiana naye katika shughuli za kuiendesha nchi hiyo.

Barack ambaye ni rais wa kwanza mweusi wa Marekani, alipata kura 270 za (Electral College) zilizohitajika ili kupata ushindi.

Aidha Kura hizi hupigwa na watu maalum wanaoteuliwa na majimbo kulingana na idadi ya miji katika majimbo hayo.

Katika hotuba yake ya ushindi, mbele ya umati mkubwa wa watu mjini Chicago, Obama alisema kuwa atashauriana na bwana Romney kuhusu wanavyoweza kuendesha nchi hiyo.

Aidha Obama aliweza kuwashawishi wananchi kumpigia kura na hivyo kushinda licha ya changamoto nyingi zilizowavunja moyo wananchi hususan swala la uchumi.