WILAYA YA KATI, UNGUJA YAPATA DC

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimuapisha Bw.Vuai Mwinyi Mohamed,kuwa Mkuu wa Wilaya ya Kati Unguja,Ikulu Mjini Zanzibar leo .[Picha na Ramadhan Othman Ikulu.]

 

RAIS wa Zanzibar na Mwenyekiti wa Baraza la Mapinduzi Mhe. Dk. Ali Mohamed Shein leo amemuapisha Bwana Vuai Mwinyi Mohammed kuwa Mkuu wa Wilaya ya Kati Unguja. Hafla hiyo ilifanyika Ikulu mjini Zanzibar na kuhudhuriwa na viongozi mbali mbali akiwemo Spika wa Baraza la Wawakilishi Mhe. Pandu Ameir Kificho, Jaji Mkuu wa Zanzibar Mhe.Omar Othman Makungu na Mkuu wa Mkoa wa Mjini Magharibi Mhe. Abdalla Mwinyi Khamis. Wengine waliohudhuria katika hafla hiyo ni Kadhi Mkuu wa Zanzibar Sheikh Khamis Haji, Meya wa Manispaa ya Mji wa Zanzibar, Mstahiki Khatib Abdulrahman Khatib, Washauri wa Rais pamoja na viongozi wengine wa Serikali.